पंचवटी : पतीस नादास लावून वारंवार घरी बोलावते या कारणावरून कुरापत काढून सहा संशयितांनी म्हसरूळ शिवारातील गोरक्षनगरमधील महिलेच्या डोक्यात लोखंडी सळई मारून बेदम मारहाण केल्याची घटना गुरुवारी (दि़२७) घडली़ यामध्ये महिला जखमी झाली असून, तिला औषध उपचारासाठी रुग्णालयात दाखल केले आहे. याप्रकरणी जखमी महिलेच्या आईच्या फिर्यादीवरून म्हसरूळ पोलीस ठाण्यात गुन्हा दाखल करण्यात आला आहे़ गोरक्षनगर परिसरात दीपाली मते (२८) ही तरुणी आई रेखा मतेसोबत राहते़ गुरुवारी दुपारी ३ वाजेच्या सुमारास दीपाली ही घरात असताना जहीर शेख नामक इसम तिच्या घरी आला व दोघे गप्पा मारत होते़ यावेळी संशयित अरशद शेख, हाजरा शेख, जमील शेख, सायरून शेख, जुबेर शेख व आजीम शेख असे सहा जण या तरुणीच्या घरी गेले व यातील महिलांनी तू झहीरला नादास का लावते असे म्हणून शिवीगाळ तसेच लोखंडी सळई डोक्यात मारून गंभीर जखमी केले, तर उर्वरित संशयितांनी लाथाबुक्क्यांनी बेदम मारहाण केली़ या घटनेत दीपाली ही जखमी झाली असून, तिला रुग्णालयात दाखल करण्यात आले आहे़ याप्रकरणी म्हसरूळ पोलिसांनी सहा संशयितांवर गुन्हा दाखल करून अरशद शेख, जमील शेख, जुबरे शेख, अजिम शेख या चौघांना अटक केली आहे़
महिलेस मारहाण; सहा संशयितांवर गुन्हा दाखल
By लोकमत न्यूज नेटवर्क | Published: December 29, 2018 12:16 AM