व्यापारी असोशिएशनकडून दुष्काळी भागात टॅँकरने पाणी

सिन्नर : सिन्नर हा कायमस्वरूपी दुष्काळी तालुका असून यावर्षी सरासरी पावसाच्या अत्यल्प पर्जन्यवृष्टी झालेली असल्याने शेतकरी बांधव हतबल झालेले आहे. शेतकऱ्यांना पशुधनाच्या चारा व पाण्याच्या गरजा पूर्ण करणे कठीण झाले आहे. यात सामाजिक दायित्व म्हणून पुष्पक स्टील व्यापारी असोशियनच्या नाशिक जिल्ह्यातील पिंपळगाव, ओझर, लासलगाव, वणी, दिंडोरी येथील व्यापाऱ्यांनी एकत्र येत तालुक्यातील वावी व डुबेरे येथील ग्रामस्थांना तसेच गुळवंच येथील चारा छावणीस टँकरद्वारे पाणी पुरवठा सुरू करण्यात आला.

तालुक्यातील वावी येथे आमदार राजाभाऊ वाजे यांच्या हस्ते या उपक्रमाला सुरूवात करण्यात आली. जिल्ह्यातील प्रमुख वितरक समित माहेश्वरी यांच्या पुढाकाराने स्टील व्यापारी संजय पगार, प्रकाश महाले, गायखे, बो-हाडे, माळोदे यांनी एकत्रित येत दुष्काळी भागाना टॅँकर सुरू करण्याचा निर्णय घेतला. पुष्पक स्टील या कंपनीचे तालुक्यातील विक्रेते अरूण वारूंगसे यांनी याबाबत महत्वाची भूमिका घेतली. वावी येथे दररोज बारा हजार लिटरचा टँकरद्वारे चार फेºया करण्यात येणार आहे. तसेच गुळवंच येथील चारा छावणीस २४ हजार लिटर पाणी दररोज देण्यात येणार आहे. उद्योजकांच्या वतीने तालुक्यातील पिण्याचे पाण्याची दाहकता थोड्याफार प्रमाणात कमी होण्यास मदत होणार असल्याचे प्रतिपादन वाजे यांनी केले. याचा आदर्श घेऊन उद्योजकांनी दुष्काळ निवारणाच्या कार्यात सहकार्य करावे असे आवाहन त्यांनी केले. पदाधिका-यांनी गुळवंच येथील चारा छावणीस भेट देवून पशुधनास दररोज २४००० हजार लिटर पाणी देण्याची व्यवस्था देखील केली. याप्रंसगी सुमित माहेश्वरी, अरूण वारूंगसे, बाजीराव पेशवे पतसंस्थेचे अध्यक्ष नारायण वाजे, पंचायत समिती सदस्य रोहिणी कांगणे, गुळवंचच्या सरपंच कविता सानप, उपसरपंच सुनिता कांगणे, नंदूशेठ मालपाणी, दिपक वेलजाळी, इलाहीबक्ष शेख, विलास राजेभोसले, रामनाथ कर्पे, सुभाष काटे, भगवान सानप, विष्णू सानप, भाऊदास सिरसाट, परसराम कांगणे, अर्जुन कांगणे आदींसह ग्रामस्थ उपस्थित होते.