नाशिक : दिंडोरीरोडवरील दुकानात भंगार विक्रीसाठी आलेल्या एका संशयिताने भंगार जास्त आहे असे म्हणून दुकानात काम करणाऱ्या दोघांना शिवीगाळ करून बेदम मारहाण करून दुकानदाराच्या डोक्यात लोखंडी वस्तू मारून जखमी केल्याची घटना गुरुवारी (दि.१०) दुपारच्या सुमाराला घडली आहे.
याबाबत सुभाष बालकिसन भारद्वाज यांनी पंचवटी पोलीस ठाण्यात तक्रार दाखल केली आहे. मारहाण प्रकरणी सोनू विष्णू गांगुर्डे याच्यावर गुन्हा दाखल करण्यात आला आहे.पोलिसांनी दिलेल्या माहितीनुसार, दिंडोरीरोडवर भारद्वाज यांचे भंगार दुकान आहे. येते गांगुर्डे गुरुवारी दुपारी भंगार विक्रीसाठी त्याठिकाणी आला होता. तेव्हा त्याने भंगार जास्त आहे असे म्हणून दुकानात काम करणाऱ्या दीपक पवार व सचिन यांना शिवीगाळ करून मारहाण केली. त्यानंतर दुकानदार भारद्वाज यांच्या डोक्यात काहीतरी लोखंडी वस्तू मारून दुखापत केली. याप्रकरणी सुभाष बालकिसन भारद्वाज यांनी पंचवटी पोलीस ठाण्यात दिलेल्या फिर्यादीनुसार संशयित सोनू गांगुर्डे विरोधात गुन्हा दाखल करण्यात आला आहे.