गर्भपात प्रकरणात गोळ्या पुरविणाऱ्या मेडिकल व डॉक्टरचा पोलीस यंत्रणा शोध घेत आहे. या प्रकरणातील संशयीत आरोपींची संख्या आता सहा झाली आहे.गेल्या २१ जानेवारी रोजी अवैधरित्या गर्भपात करुन मालेगाव मनमाड रस्त्यावरील शेतात अर्भक पुरणाºया मानसी अनिल हडावळे, संगम ईश्वर देशमुख, सनी नितीन तुपे, वैष्णवी नितीन तुपे चौघे रा. महात्मा फुलेनगर एमआयडीसी भोसरी तालुका हवेली, जि. पुणे या चौघांना किल्ला पोलीसांनी अटक केली होती. चौघांना न्यायालयात हजर केले असता न्यायालयाने दोन दिवसांची पोलीस कोठडी सुनावली होती. आता हे चौघे न्यायालयीन कोठडीत आहे. या प्रकरणातील संशयीत डॉ. राहुल गोसावी याने अर्धवट शिक्षण घेतले असल्याचे समोर आले आहे. शहरातील एका मल्टी स्पेशालिटी हॉस्पिटलमध्ये निवासी वैद्यकीय अधिकारी म्हणून काम बघत होता. या प्रकरणाची चौकशी करणाºया आरोग्य समितीने गोसावीची पेमेंट स्लिप हस्तगत केली आहे. या गर्भपात करण्यास सहाय्य करणाºया रवी पवार याचा शोध पोलीस घेत होते. पवार यालाही अटक करण्यात आली आहे.
गर्भपात प्रकरणी फरार संशयिताला दोन दिवसांची पोलीस कोठडी
By लोकमत न्यूज नेटवर्क | Published: January 31, 2019 5:53 PM