कोरोना काळात वाहतूक नियम धाब्यावर; ८२ लाखांचा दंड वसूल

कोरोनाची दुसरी लाट शहरात फेब्रुवारी महिन्यात वेगाने पसरण्यास सुरुवात झाली. यानंतर हळूहळू शहरात निर्बंध कडक केले गेले. फेब्रुवारी ते मे अखेरपर्यंत शहर वाहतूक शाखेने बेशिस्त वाहनचालकांवर दंडात्मक कारवाई करत कोट्यवधींचा दंड ठोठावला आहे. सुमारे ८३ हजार ६२ वाहनचालकांवर दंडात्मक कारवाई वाहतूक पोलिसांकडून करण्यात आली आहे. विना हेल्मेट, विना सीटबेल्ट वाहन चालविणे, ओव्हरस्पीड वाहतूक, मोबाइलचा वापर, सिग्नल न पाळणे, विना परवाना वाहतूक, नो-पार्किंग, काळ्या काचा अशा अनेकविध वाहतूक नियमांचे उल्लंघन केल्याने संबंधित वाहनचालकांवर दंडात्मक कारवाई करण्यात आली आहे. मार्च, एप्रिल महिन्यात कोरोनाचे निर्बंध कडक असतानाही शहरात सर्रास वाहनचालकांची चलती होती. या काळात सुमारे चारशेहून अधिक वाहनचालकांनी सिग्नलचे पालन करणे टाळल्याचे दिसून आले.

---इन्फो--

‘ओव्हरस्पीड’चा सर्वाधिक दंड

कोरोनाच्या दुसऱ्या लाटेत रस्त्यांवरील वाहतूक बऱ्यापैकी कमी झाल्याने रस्ते मोकळे मिळाल्याने बहुतांश वाहनचालक सुसाट वाहने दामटवित होते. जानेवारीपासून मेअखेरपर्यंत ओव्हरस्पीड वाहने चालविणाऱ्या २१ हजार ७०० लोकांवर दंडात्मक कारवाई करण्यात आली आहे. या माध्यमातून ५ लाख तीन हजार रुपयांचा दंड वसूल करण्यात आला आहे. २ कोटी १३ लाख २८ हजारांचा दंड थकीत आहे. प्रत्येकी हजार रुपये इतका दंड ओव्हरस्पीडचा नियम मोडल्यास केला जातो.

---इन्फो--

दोन हजार लोकांना मोबाइलचा मोह

वाहन चालविताना मोबाइलचा वापर करू नये, असा नियम असतानाही सर्रास दुचाकी, चारचाकी चालकवाहन चालविताना मोबाइलवर संवाद साधताना नजरेस पडतात. कोरोनाकाळातसुद्धा हा कित्ता बहुतांश वाहनचालकांनी गिरविला. सुमारे २ हजार २५५ वाहनचालकांनी मोबाइलचा वापर वाहतूक करताना केल्याचे आढळून आले. त्यापैकी ४४५ वाहनचालकांकडून ८९ हजारांचा दंड वसूल केला गेला आहे, तसेच १ हजार ८१० बेजबाबदार वाहनचालकांकडून ३ लाख ६२ हजारांच्या दंडाची रक्कम येणे शिल्लक आहे.

---आलेख----

विना हेल्मेट- ३,१३,४,५००

विना सीटबेल्ट- ९,९५,२००

नो-पार्किंग- १,६०,१२००

मोबाइलवर बोलणे- ४,५१०००

विना लायसन्स- १२,०००

ट्रीपल सीट- ५,१२,२००

विना वाहन विमा- २,३००

फॅन्सी नंबर प्लेट-६,६००

काळ्या काचा- १,९९,४००

===Photopath===

210621\21nsk_14_21062021_13.jpg

===Caption===

वाहतुक शाखेचा दंड