नाशिक : शहरात विविध ठिकाणी घडलेल्या घटनांमध्ये तिघांनी आत्महत्या केल्याची घटना घडली आहे़ पहिली घटना पंचवटीतील तारवालानगरमध्ये घडली़ तलाठी कॉलनीतील पारिजात रो-हाउसमधील रहिवासी हेमंत लालचंद तलरेजा (३१) यांनी शुक्रवारी (दि़१९) रात्री आठ वाजेच्या सुमारास राहत्या घरी विषारी औषध सेवन केले़ त्यांना आई कमल तलरेजा यांनी उपचारासाठी जिल्हा रुग्णालयात दाखल केले असता वैद्यकीय अधिकाऱ्यांनी तपासून मयत घोषित केले़ दरम्यान, आत्महत्येचे कारण समजू शकले नसून याप्रकरणी पंचवटी पोलीस ठाण्यात अकस्मात मृत्यूची नोंद करण्यात आली आहे़दुसरी घटना मुंबई नाका परिसरात घडली़ अथर्वदर्शन सोसायटीतील रहिवासी भाऊसाहेब शांताराम तोरवणे (३३) यांनी शनिवारी (दि़२०) सायंकाळी ६ वाजेच्या सुमारास नायलॉन दोरीच्या साहाय्याने गळफास घेतला़ त्यांना भाऊ दिनेश तोरवणे यांनी उपचारासाठी जिल्हा रुग्णालयात दाखल केले असता, वैद्यकीय अधिकाºयांनी तपासून मयत घोषित केले. दरम्यान, आत्महत्येचे कारण समजू शकले नसून याप्रकरणी मुंबई नाका पोलीस ठाण्यात अकस्मात मृत्यूची नोंद करण्यात आली आहे.पुलावरून दारणा नदीपात्रामध्ये उडीचेहेडी येथे तिसरी घटना घडली़ पळसे येथील फुलेनगरचे रहिवासी बबन खंडू शिंदे (४५) यांनी शनिवारी (दि़२०) सायंकाळी ७ वाजेच्या सुमारास चेहडी पुलावरून दारणा नदीपात्रामध्ये उडी घेऊन आत्महत्त्या केली. दरम्यान, आत्महत्येचे कारण समजू शकले नसून याप्रकरणी नाशिकरोड पोलीस ठाण्यात अकस्मात मृत्यूची नोंद करण्यात आली आहे.