चांदवडला श्री रेणुका माता मंदिर घटस्थापनेपासून उघडणार

चांदवड : मुख्यमंत्री उद्धव ठाकरे यांनी घटस्थापनेपासून सर्वच मंदिरे उघडण्याची घोषणा केल्याने भाविकांसह संस्थान कर्मचाऱ्यांमध्ये आनंदाचे वातावरण असले तरी मात्र यंदा दरवर्षी लाखो भाविकांच्या गर्दीमुळे होणारा यात्रोत्सव होईल की नाही याबाबत संभ्रम कायम आहे.

येथील कुलस्वामिनी श्री रेणुका मातेचे पुरातन मंदिर असून, हजारो वर्षांपासून येथे दर नवरात्र उत्सवात यात्रोत्सव भरतो. गेल्या वर्षीपासून कोरोना संसर्गाच्या पार्श्वभूमीवर मंदिर बंद असल्याने परिसरातील व्यावसायिकांवर बेरोजगारीची कुऱ्हाड कोसळली होती. तर मंदिर संस्थानही कर्मचारी पगार व इतर व्यवस्थापन खर्चामुळे बेजार झाला होता. श्री. रेणुका देवी संस्थानचे व्यवस्थापक एम. के. पवार, सहायक व्यवस्थापक सुभाष पवार यांनी मात्र यात्रोत्सवास परवानगी मिळेल न मिळेल मात्र लगेच मंदिर परिसरातील स्वच्छता, डागडुजी, मंदिरातील विजेची उपकरणो, पंखे व इतर सर्व कामास वेग घेतल्याचे सांगीतले, तर बऱ्याच दिवसांपासून कोरोनामुळे मंदिर बंद असल्याने मंदिरात प्रवेश करण्यासाठी लावलेले बॅरिकेडिंग व परिसरात घाणीचे व धुळीचे साम्राज्य पसरले होते. ते ही स्वच्छ करण्याचे काम सुरू केले. शासनाचा मंदिर उघडण्याचा आदेश झाला असला तरी यात्रोत्सवाबाबत संभ्रम आहे, तर बाहेरगावचे व स्थानिक यात्रेत दुकाने थाटणाऱ्या दुकानदारांनी सुभाष पवार यांच्याकडे चौकशी सुरू केली आहे.

---------------------------

कोरोनाची लक्षणे नसलेल्या व्यक्तिंनाच मंदिरात प्रवेश राहणार आहे. धार्मिक स्थळाचे स्वरूप बघून भाविकांना प्रवेश द्यायचा यांचा निर्णय अजून व्हायचा आहे. यासाठी स्थानिक अधिकाऱ्यांशी चर्चा केली जाणार आहे. मंदिरात आत प्रवेश करण्याचा मार्ग व आणि बाहेर पडण्याचा मार्ग वेगळा असावा, भक्तांमध्ये किमान सहा फुटांचे अंतर असावे, कन्टेन्ट झोनमधील मंदिरे बंद राहतील, तर ६५ वर्षांवरील नागरिक, गरोदर माता आणि दहा वर्षांखालील बालकांना मंदिरात प्रवेश मिळणार नसल्याचे शासनाच्या वतीने सांगण्यात आले.

---------------------------------------------------

फोटो क्रमांक - 25 एम.एम.जी.8- चांदवड येथील श्री रेणुका देवी मंदिर परिसरात स्वच्छता करताना कर्मचारी.

---------------------------------------------

फोटो क्रमांक - 25 एम.एम.जी.9- चांदवड येथील श्री. रेणुका देवी मंदिर परिसरात भाविकांची बैठक व्यवस्था दुरस्त करतांना कर्मचारी

---------------------------------------

फोटो क्रमांक - 25 एम.एम.जी.10- चांदवड येथील श्री. रेणुका देवी मंदिर परिसरात स्वच्छता करतांना कर्मचारी.

250921\25nsk_30_25092021_13.jpg~250921\25nsk_31_25092021_13.jpg~250921\25nsk_32_25092021_13.jpg

२५ एमएमजी ८~२५एमएमजी ९~२५ एमएमजी १०