अल्पबचत महिला प्रतिनिधीचे ५४ हजार लांबविले

सिन्नर : येथील टपाल कार्यालयातील महिला अल्पबचत प्रतिनिधिचे ५४ हजार लांबविल्याची घटना सोमवारी दुपारी घडली. या प्रकरणी सिन्नर पोलीस ठाण्यात दोन अज्ञात महिला चोरट्यांविरोधात गुन्हा दाखल करण्यात आला आहे.

ठळक मुद्देमागे उभ्या असलेल्या दोन अज्ञात महिलांनी बलक यांच्या हातातील कापडी पिशवीतून ५४ हजारांची रोकड लंपास केली.

सिन्नर : येथील टपाल कार्यालयातील महिला अल्पबचत प्रतिनिधिचे ५४ हजार लांबविल्याची घटना सोमवारी दुपारी घडली. या प्रकरणी सिन्नर पोलीस ठाण्यात दोन अज्ञात महिला चोरट्यांविरोधात गुन्हा दाखल करण्यात आला आहे.
शांताबाई मुरलीधर बलक (७०, रा. खळवाडी, डॉ. आंबेडकरनगर) या अल्पबचत प्रतिनिधी म्हणून काम करतात. बलक दरमहिन्याला भरणा करण्यासाठी येथील नगरपरिषद कार्यालयासमोरील पोस्ट कार्यलयात जात असतात. सोमवारी देखील त्या पोस्ट कार्यलयात रांगेत उभे होत्या. मागे उभ्या असलेल्या दोन अज्ञात महिलांनी बलक यांच्या हातातील कापडी पिशवीतून ५४ हजारांची रोकड लंपास केली. काऊण्टरजवळ गेल्यावर पैसे चोरीला गेल्याचे बलक यांच्या निदर्शनास आले. त्यानी आरडाओरड करेपर्यंत चोरटे घटनास्थळाहून पसार झाले.
या प्रकरणी बलक यांच्या फिर्यादीवरुन सिन्नर पोलीस ठाण्यामध्ये गुन्हा दाखल करण्यात आला आहे.