शिर्डी : भाजपाचे हिंदुत्व ‘आरएसएस’चे हिंदुत्व आहे. ते देशविघातक आहे़ शिवसेनेचे हिंदुत्व मात्र सर्वसमावेशक असल्याचे काँग्रेसचे नेते व माजी विरोधी पक्षनेते विजय वडेट्टीवार यांनी सांगितले. वडेट्टीवार यांनी गुरुवारी साईदरबारी हजेरी लावली.
ते म्हणाले, सरकार पाच वर्ष टिकेल. सध्या आम्ही भाजपचे कोणी येतेय का त्याची वाट पाहतोय. सरकार टिकणार नाही, अशा वावड्या जे उठवतात ते अधिकाऱ्यांवर दबाव आणण्याचा प्रयत्न करत आहेत़ काहीजण देव पाण्यात बुडवून बसले आहेत. ते मुंगेरीलालचे हसीन सपने पाहत आहेत. समान किमान कार्यक्रमांवर आम्ही काम करणार आहोत़ राज्याची भाजपने वाट लावली. राज्यावर बेसुमार कर्ज वाढवले.
भाजपने केलेला प्रकार म्हणजे कर्ज घेऊन बायकोला दागिने घेण्यासारखा आहे. उत्पन्न न वाढवता श्रीमंती दाखवली. पंकजा मुंडे यांच्या भूमिकेचे समर्थनही वडेट्टीवार यांनी या वेळी केले.