खमताणेच्या सरपंचपदी रंजना वाघ; उपसरपंचपदी प्रदीप इंगळे

खमताणे : येथील सरपंचपदी रंजना दीपक वाघ, तर उपसरपंचपदी प्रदीप धर्मा इंगळे यांची बिनविरोध निवड करण्यात आली.

ठळक मुद्देग्रामपंचायत सभागृहात विशेष सभा घेण्यात आली.

खमताणे : येथील सरपंचपदी रंजना दीपक वाघ, तर उपसरपंचपदी प्रदीप धर्मा इंगळे यांची बिनविरोध निवड करण्यात आली.

सरपंच, उपसरपंच निवडीसाठी ग्रामपंचायत सभागृहात विशेष सभा घेण्यात आली. यावेळी सभागृहात ग्रामपंचायत सदस्य अमित बागूल, धनंजय वाघ, सविता इंगळे, विजया वाघ आदी उपस्थित होते. या सभेत वाघ व इंगळे यांचा प्रत्येकी एक अर्ज दाखल झाल्याने त्यांची बिनविरोध निवड झाल्याची घोषणा निवडणूक निर्णय अधिकारी धूम यांनी केली. निवडणूक कामकाजात ग्रामविकास अधिकारी शशी देवरे, तलाठी एस.एस., गायकवाड यांनी सहकार्य केले. यावेळी नवनिर्वाचित सरपंच, उपसरपंच व सर्व सदस्यांचा ग्रामपंचायतीच्या वतीने ग्रामस्थांनी शाल, श्रीफळ व पुष्पगुच्छ देऊन सत्कार केला. निवड घोषित होताच कार्यकर्त्यांनी गुलाल उधळून आनंदोत्सव साजरा केला. यावेळी ग्रामस्थ उपस्थित होते.

सर्व सदस्यांना विश्वासात घेऊन गावाच्या विकासासाठी प्रामाणिकपणे प्रयत्न करेन, तसेच सर्वांच्या प्रयत्नांतून जास्तीत जास्त निधी आणण्याचा प्रयत्न करणार आहे.
-रंजना वाघ, सरपंच, खमताणे