Nashik Marathi News | नाशिक मराठी बातम्या | Latest Nashik News in Marathi | नाशिक ताज्या बातम्या | Nashik Crime Marathi News | नाशिक ब्रेकिंग न्यूज़| Breaking & Live Nashik News | Today's Nashik News paper

नाशिक : कविता हा संवेदनांचा उत्सव असतो. लहानपणापासून पाहिलेले व अनुभवलेले आणि जाणिवांच्या पातळीवर अनुभवास आलेले अनुभव कवितांमधून मांडत गेलो. जुन्या कवितांची शिदोरी आयुष्यभर पुरत गेली व त्यातूनच मी घडत गेलो. कवितेमुळे मला जगण्याचा आनंद अनुभवता आला, असे मत कवी सोमनाथ साखरे यांनी व्यक्त केले.निमित्त होते, सार्वजनिक कर्मचाऱ्यांच्या शासकीय वाचनालयाच्या वतीने आयोजित ‘कवितेवर बोलू काही’ कार्यक्रमाचे. दरम्यान, कवी रवींद्र मालुंजकर यांनी साखरे यांची मुलाखत घेताना विविध प्रश्नांच्या माध्यमातून त्यांच्या जीवनाचे बहुतांश पैलू उलगडण्याचा प्रयत्न केला. कोकणात नोकरी करत असताना कविवर्य कुसुमाग्रज तेथे आले होते. यावेळी मला माहिती मिळताच मी त्यांची भेट घेतली व त्यांना मी लिहिलेल्या काही कविता दाखविल्या. तात्यासाहेबांनी कविता बघून माझ्या पाठीवर शाब्बासकीची थाप दिली. यामुळेच माझे काव्यलिखाण बहरण्यास बळ मिळाले, अशी अविस्मरणीय आठवण सांगितली.दरम्यान, त्यांनी ‘आईचा अभंग’ ही कविता, गझल, लावणी व काही चारोळ्या सादर केल्या. यावेळी विजयकुमार मिठे, सुनील देशपांडे, प्रशांत केंदळे, अभिजित शिंदे, निशिगंधा घाणेकर, मनोहर विभांडिक आदि उपस्थित होते. स्वागत प्रांजली चंद्रात्रे यांनी केले व जयश्री वाघ यांनी सूत्रसंचालन केले. (प्रतिनिधी)

Nashik (Marathi News)

नाशिक : नियोजित मालेगाव जिल्ह्यात समाविष्ट होण्यास चांदवड तालुक्याने नकार दिला आहे. ...

विकासासाठी तातडीच्या उपाययोजना महत्त्वाच्या ...

कवितांमधून मिळाला जगण्याचा आनंद ...