Nashik Marathi News | नाशिक मराठी बातम्या | Latest Nashik News in Marathi | नाशिक ताज्या बातम्या | Nashik Crime Marathi News | नाशिक ब्रेकिंग न्यूज़| Breaking & Live Nashik News | Today's Nashik News paper

पाथरे : सिन्नर तालुक्याच्या पूर्वभागातील व कोपरगाव तालुक्याच्या सरहद्दीवरील पाथरे व परिसरात चोरट्यांनी धुमाकूळ घातला आहे. दुचाकी चोऱ्या, घरफोड्यांसाठी चोरटे पुन्हा सक्रिय झाल्याने ग्रामस्थ हैराण झाले आहेत. या प्रकरणी वावी पोलीस ठाण्यात तक्रार दाखल करण्यात आल्या आहेत.येथे शनिवारी रात्रीच्या सुमारास अशोक गदू घोटेकर यांची नवीन हीरो होंडा कंपनीची दुचाकी (क्र.एमएच १५ इडी ५३४७) रहात्या घराजवळ लावलेली होती. साखळी बांधलेली दुचाकीचे कुलूप तोडून चोरट्यांनी पळविली. त्याच रात्री येथील सिन्नर दूध संकलन केंद्राचा दरवाजा तोडून चोरट्यांनी आत प्रवेश केला. तेथील सामान व कागदपत्रे अस्ताव्यस्त फेकून दोन खुर्च्या उचलून नेल्या व त्या गोदावरी उजव्या कालव्याजवळ फेकून दिल्या. दुसऱ्या दिवशी सकाळी दूध घेऊन येणाऱ्या शेतकऱ्यांच्या ही बाब लक्षात आली. या दूध संकलन केंद्रात मात्र चोरट्यांच्या हाती काहीही रोख रक्कम मिळाली नाही.त्यानंतर गावातील गणपत नरोडे यांची टीव्हीएस कंपनीची मोटारसायकल चोरट्यांंनी पळविली. मात्र तिचे पेट्रोल संपल्याने चोरट्यांनी ती दुचाकी रस्त्याच्या कडेला लोटून पलायन केले. पाथरे व परिसरात यापूर्वीही चोरट्यांनी धुमाकूळ घातला होता. तेच चोरटे पुन्हा सक्रिय झाले असल्याचा अंदाज ग्रामस्थांनीव्यक्त केला आहे. पाथरे विद्यालयातील संगणक कक्षातून सुमारे ५० हजार रुपयांचे संगणक संच व साहित्य चोरट्यांनी लांबविलेहोते. चोरट्यांच्या विरोधात वावी पोलीस ठाण्यात गुन्हा दाखल झाला होता. मात्र पोलिसांनाही या चोरट्यांचा थांगपत्ता लागला नाही. या प्रकारांमुळे परिसरात चोरट्यांची दहशत पसरली आहे. वावी पोलिसांनी या भागात नेहमीच धुमाकूळ घालणाऱ्या चोरट्यांचा शोध घेऊन बंदोबस्त करावा, चोरट्यांवर वचक ठेवण्यासाठी पोलिसांनी रात्रीची गस्त वाढवावी, अशी मागणी परिसरातून होत आहे. (वार्ताहर)

Nashik (Marathi News)

देवरगाव येथे आषाढीनिमित्त पालखी ...

नामदेव हरिपाठाची ‘अशीही’ शतकपूर्ती ...

घरकुल योजनेची तरतूदच गायब ...

‘अजुनी रुसुनि आहे’! ...

कांद्याला हमीभाव देण्याची मागणी ...

मी नाराज नाहीच- वसंत गिते, आमदार ...

शेती व्यवसाय : डाळिंबावर तेल्या; कांद्याचा वांदा ...

विद्यार्थ्यांना मिळते तारीख पे तारीख ...

दुचाकी चोरी, घरफोड्यांनी ग्रामस्थ हैराण ...