Nirgudpada, Kotamwadi in darkness again due to burning of Rohitra! | रोहित्र जळाल्याने निर्गुडपाडा, कोटमवाडी पुन्हा अंधारात !

रोहित्र जळाल्याने निर्गुडपाडा, कोटमवाडी पुन्हा अंधारात !

ठळक मुद्देनागरिक संतप्त : लोकप्रतिनिधींनीही फिरविली पाठ

निर्गुडपाडा व कोटमवाडी ही विद्युत रोहित्रच्या समस्येने दोन महिन्यापासून अंधारात होती.अनेक अडचणी व संकटाचा सामना केल्यानंतर वेळोवेळी पाठपुरावा केल्यावर महावितरण विभागाने या वाड्यांसाठी नवीन ४० के.व्ही.पॉवर असलेला विद्युत रोहित बसविला. थ्री फेज पुरवठा नसतानाही महिनाभर वेळ निभावली. परंतू, विद्युत रोहित्रावर अतिरिक्त ताण वाढल्याने विजेच्या कमी जास्त दाबामुळे विद्युत रोहित्र जळाले. त्यामुळे कोटमवाडी व निर्गुडपाडा ही दोन गावे चार ते पाच दिवसांपासून अंधारात असल्याने नागरिकांना विजेअभावी विविध समस्यांना तोंड द्यावे लागत आहे. विजेअभावी उपकरणे बंद असल्याने अनेक कामांवर विपरीत परिणाम झाला आहे. एक ते दीड महिन्यांपासून थ्री फेज वीज वाहिनी मिळत नसल्याने पिठाची गिरणी बंद अवस्थेत असून येथील आदिवासी महिलांना दहा ते बारा किलोमीटर दळणासाठी पायपीट करावी लागत आहे. तसेच साप, विंचू यांसारख्या सरपटणा-या प्राण्यांपासून नागरिकांना धोका संभवतो. वारंवार येणा-या विजेच्या समस्येवर नागरिक नाराज असून महावितरणाच्या या वेळकाढूपणावर संताप व्यक्त केला आहे.
 

Web Title: Nirgudpada, Kotamwadi in darkness again due to burning of Rohitra!

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.