श्रीरामाच्या धनुष्याच्या प्रेरणेवर उभारण्यात येणार नाशिकचे अत्याधुनिक विमानतळ, कधीपर्यंत पूर्ण होणार?

Nashik Airport expansion project: वाढलेली विमानतळ क्षमता, जलद कार्गो सुविधा आणि आधुनिक लॉजिस्टिक्स व्यवस्थेमुळे अंबड, सातपूर, सिन्नर, मालेगाव व इगतपुरी येथील औद्योगिक वसाहतींना थेट फायदा होणार आहे.

नाशिकच्या औद्योगिक, कृषी व पर्यटन विकासाला मोठी चालना देणाऱ्या नाशिकविमानतळ विस्तारीकरण प्रकल्पाचे भूमिपूजन रविवारी मुख्यमंत्री देवेंद्र फडणवीस यांच्या हस्ते करण्यात आले. या महत्त्वाकांक्षी प्रकल्पामुळे नाशिक शहर व जिल्ह्याची जागतिक बाजारपेठेशी थेट हवाई जोड निर्माण होणार असून, रोजगारनिर्मिती, निर्यातवाढ आणि कुंभमेळा नियोजनाच्या दृष्टीने नाशिकला दीर्घकालीन लाभहोणार आहे. श्रीरामाच्या धनुष्याच्या प्रेरणेवर आधारित अत्याधुनिक नाशिक विमानतळ असणार आहे.

महाराष्ट्र राज्य पायाभूत सुविधा विकास महामंडळ (एमएसआयडीसी) आणि हिंदुस्तान एरोनॉटिक्स लिमिटेड (एचएएल) यांच्यात सामंजस्य करार रविवारी करण्यात आला आहे. वाढलेली विमानतळ क्षमता, जलद कार्गो सुविधा आणि आधुनिक लॉजिस्टिक्स व्यवस्थेमुळे अंबड, सातपूर, सिन्नर, मालेगाव व इगतपुरी येथील औद्योगिक वसाहतींना थेट फायदा होणार आहे. ज्वेलरी, टेक्सटाईल, अॅग्रो-प्रोसेसिंग, फार्मा आणि उत्पादन क्षेत्रातील उद्योगांना जागतिक बाजारपेठ गाठणे सुलभ होणार असून, स्थानिक युवकांसाठी थेट व अप्रत्यक्ष स्वरूपात मोठ्या प्रमाणावर रोजगारनिर्मिती होईल.

श्रीरामाच्या धनुष्याच्या प्रेरणेतून आधुनिक रचना

नवीन विमानतळाची रचना श्री रामाच्या धनुष्याच्या प्रेरणेवर आधारित स्थापत्य संकल्पनेनुसार करण्यात येणार असून, विद्यमान सुविधेला अखंडपणे पूरक असा हा अत्याधुनिक विस्तार असेल. हे विमानतळ एकाच वेळी घरगुती आणि आंतरराष्ट्रीय ऑपरेशन्स हाताळण्यास सक्षम असेल. त्याचप्रमाणे जागतिक बाजारपेठेशी नाशिकची नाळ जुळणार आहे.

विक्रमी ११ महिन्यांत पूर्ण होणार प्रकल्प

याआधी अवघ्या ११ महिन्यात नाशिक विमानतळाची उभारणी पूर्ण करणाऱ्या आणि सहा विमानतळ प्रकल्पांचा अनुभव असलेल्या कन्स्ट्रक्शन कंपनीकडेच या नव्या आधुनिक विमानतळाच्या उभारणीची जबाबदारी देण्यात आली आहे. हा प्रकल्पही विक्रमी ११ महिन्यांत पूर्ण करण्याचा निर्धार कंपनीने व्यक्त केला आहे. त्यामुळे आगामी सिंहस्थामध्ये हा प्रकल्प पूर्ण होऊन त्याचा वापर केला जाण्याची शक्यता आहे.

नाशिकला होणारे फायदे

या विमानतळ विस्तार प्रकल्पामुळे उद्योगांना जागतिक बाजारपेठेशी थेट हवाई जोड मिळणार, कृषी निर्यातीसाठी कोल्ड-चेन व जलद कार्गो सुविधा उपलब्ध होणार, स्थानिक युवकांसाठी मोठ्या प्रमाणावर रोजगारनिर्मिती होणार, कुंभमेळ्यासाठी सुरक्षित व आधुनिक वाहतूक सुविधा निर्माण होणार, धार्मिक पर्यटनाला मोठी चालना मिळणार, या प्रकल्पामुळे नाशिकचे औद्योगिक, कृषी व पर्यटन क्षेत्र नव्या उंचीवर पोहोचणार असून, शहराचा विकास आंतरराष्ट्रीय स्तरावर वेगाने घडून येणार असल्याचे चित्र स्पष्ट झाले आहे.

विमानतळावर अत्याधुनिक सुविधा

प्रकल्पांतर्गत दुहेरी उंचीचा तपासणी हॉल उभारण्यात येणार असून, त्यामध्ये इनलाइन बॅगेज हैंडलिंग सिस्टिमसाठी तरतूद असलेले २४ चेक-इन काउंटर असतील. सुरक्षेसाठी आठ हातांच्या बॅगेज एक्स-रे युनिट्ससह सुरक्षा तपासणी पॉइंट्स असणार आहेत.

सु-परिभाषित प्रवासी प्रवाहामुळे प्रवाशांना सोपा व सुकर परिसंचरण अनुभव मिळणार आहे. विमानतळावर ६ संपर्क नसलेल्या खांबांसाठी आणि २ रिमोट डिपार्चर बस लाउंजसाठी एकूण ८ डिपार्चर गेट्स उपलब्ध असतील. तसेच ८ कोड-सी एअरक्राफ्ट आणि ४ कोड-ई एअरक्राफ्ट (मंगळाच्या कॉन्फिगरेशनमध्ये) हाताळण्यासाठी एप्रनची सुविधा उभारण्यात येणार आहे.

प्रवाशांच्या सोयीसाठी शौचालये, अन्न व पेय काउंटर आणि पुरेशी बसण्याची व्यवस्था असलेली सुविधा उपलब्ध केली जाणार आहे. घरगुती तसेच आंतरराष्ट्रीय स्तरावर ताशी १,००० प्रवासी हाताळण्याची क्षमता असलेले तीन बॅगेज क्लेम बेल्ट (एलओएस मानकानुसार) उभारण्यात येणार आहेत.