नाशिकमधून एक धक्कादायक बातमी समोर आली आहे. प्रसिद्ध आयुर्वेदिक डॉक्टर मनीषा जेजुरकर यांनी आपल्या राहत्या घरीच टोकाचे पाऊल उचलल्याची माहिती समोर आली आहे. जिल्हा शासकीय रुग्णालयातील मनोविकार तज्ञ डॉ. निलेश जेजुरकर यांच्या त्या पत्नी होत्या.गंगापूर रोड परिसरातील डी. के. नगर भागात असणाऱ्या घरातच त्यांनी टोकाचे पाऊल उचलले आहे. या प्रकरणाची पोलिसांनी चौकशी सुरू केली आहे.
पोलिसांनी दिलेल्या माहितीनुसार, मयत डॉ.मनिषा निलेश जेजुरकर या गंगापूर रोडवरील रेवती ब्ल्यु अपार्टमेंट डी. के. नगर येथे वास्तव्यास होत्या. काल शुक्रवारी रोजी सकाळी ११:३० वाजेच्या सुमारास त्यांनी राहत्या घरी खिडकीच्या लोखंडी रॉडला नायलॉन दोरीच्या साहाय्याने गळफास लावून घेतला. या घटनेची माहिती मिळताच त्यांना दुपारी २.४० वाजता उपचारासाठी जिल्हा रुग्णालय येथे दाखल करण्यात आले. यावेळी डॉक्टरांनी त्यांना तपासून मृत घोषित केले.
याप्रकरणी गंगापूर पोलीस ठाण्यात अकस्मात मृत्यूची नोंद करण्यात आली आहे. आत्महत्येचं नेमकं कारण अद्याप स्पष्ट होऊ शकलेलं नसून गंगापूर पोलीस याबाबत अधिक तपास करत आहेत. डॉ. मनीषा जेजुरकर या जिल्हा शासकीय रुग्णालयातील मनोविकार तज्ञ डॉ. निलेश जेजुरकर यांच्या त्या पत्नी होत्या.
Web Summary : Renowned Ayurvedic doctor Manisha Jejurkar tragically ended her life at her Nashik residence. Wife of psychiatrist Dr. Nilesh Jejurkar, she was found at her D.K. Nagar home. Police are investigating the cause of death, recorded as accidental death.
Web Summary : प्रसिद्ध आयुर्वेदिक डॉक्टर मनीषा जेजुरकर ने नासिक स्थित अपने आवास पर दुखद रूप से आत्महत्या कर ली। मनोचिकित्सक डॉ. नीलेश जेजुरकर की पत्नी, वह अपने डी.के. नगर स्थित घर पर पाई गईं। पुलिस मौत के कारणों की जांच कर रही है, जिसे आकस्मिक मृत्यु के रूप में दर्ज किया गया है।