माणकेत भांडणाच्या वादातून घर पेटवले

मालेगाव: तालुक्यातील माणके येथे मागील भांडणाच्या वादातून घरात प्रवेश करून घर पेटवून दिल्याप्रकरणी सुरेश अशोक देवरे (रा. माणके) यांच्या विरोधात तालुका पोलिसांत गुन्हा दाखल करण्यात आला आहे.

ठळक मुद्देसंसारोपयोगी साहित्य जळून खाक झाले.

मालेगाव: तालुक्यातील माणके येथे मागील भांडणाच्या वादातून घरात प्रवेश करून घर पेटवून दिल्याप्रकरणी सुरेश अशोक देवरे (रा. माणके) यांच्या विरोधात तालुका पोलिसांत गुन्हा दाखल करण्यात आला आहे. अंजनाबाई प्रकाश देवरे (६५) यांनी याप्रकरणी फिर्याद दिली. फिर्यादी व आरोपी भाऊबंद असून त्यांचा शेतीच्या बांधावरून वाद सुरू आहे. संशयित सुरेश देवरे याने फिर्यादीच्या घरात घुसून त्यांचे घर जाळून टाकल्याने फिर्यादीचे संसारोपयोगी साहित्य जळून खाक झाले. तालुका पोलिसांनी गुन्हा दाखल केला असून अधिक तपास जमादार राजपूत करत आहेत.