इच्छामणी मंदिरात भव्य रांगोळी

नववर्ष स्वागतयात्रा समिती आणि इच्छामणी मंदिर चॅरिटेबल ट्रस्ट यांच्या संयुक्त विद्यमाने इच्छामणी मंदिरात श्री गणेश जयंतीनिमित्त ५० बाय १२ फूट भव्य रांगोळी काढण्यात आली आहे.

नाशिकरोड : नववर्ष स्वागतयात्रा समिती आणि इच्छामणी मंदिर चॅरिटेबल ट्रस्ट यांच्या संयुक्त
विद्यमाने इच्छामणी मंदिरात श्री गणेश जयंतीनिमित्त ५० बाय १२ फूट भव्य रांगोळी काढण्यात आली आहे.
श्री गणेश जयंतीनिमित्त श्री इच्छामणी गणेश मंदिरात काढण्यात आलेल्या महारांगोळीमध्ये बालगणेश, पार्वती मातेचे चित्र महादेव पिंड, कमळ रेखाटले आहे. तसेच गणेश मुद्रा गोपद्म केंद्रे वर्धिनी शृंखला अशी संस्कारभारती रांगोळी प्रतीकेदेखील काढण्यात आली
आहे.

श्री गणेश जयंतीला संध्याकाळी या रांगोळीवर ३००पेक्षा जास्त दीप प्रज्वलित करण्यात आले़ महारांगोळी प्रमुख पूजा अष्टेकर, शीतल अष्टेकर, जान्हवी रास्ते, सिल्केशा अहिरे, हेमलता चौहान, सुजाता जोशी, मंदा मुदलियार आदी २० महिलांनी सहभाग घेऊन महारांगोळीचे काम पूर्ण केले.