अक्षय्य तृतीयेसाठी करा-केळी बनवण्याची लगबग

साडेतीन मुहूर्तंपैकी एक असलेल्या अक्षय्य तृतीया सणासाठी करा-केळीला महत्त्व आहे. तेथून जवळच असणाऱ्या मºहळ येथील कुंभारवाड्यात करा-केळी बनविण्याच्या कामात कुंभार समाज व्यस्त असल्याचे दिसून येत आहे.

निºहाळे : साडेतीन मुहूर्तंपैकी एक असलेल्या अक्षय्य तृतीया सणासाठी करा-केळीला महत्त्व आहे. तेथून जवळच असणाऱ्या मºहळ येथील कुंभारवाड्यात करा-केळी बनविण्याच्या कामात कुंभार समाज व्यस्त असल्याचे दिसून येत आहे.
करा-केळीसोबतच माठ, रांजण बनविण्याचे कामदेखील वेगाने सुरू आहे. येथील करा-केळी, माठ, रांजण यांना बाजारपेठेत मोठी मागणी आहे. वैशाख महिन्यात प्रखर उन्हाची तीव्रता वाढते. त्याचा परिणाम सभोवतालच्या सृष्टीवरदेखील होतो. वैशाख महिन्यात अक्षय्य तृतीयचा सण येतो. यावर्षी हा सण ७ मे रोजी येत आहे. या सणाला आपल्या पूर्वजांचे पितरांचे पूजन केले जाते. यावेळी करा-केळी प्रतीक मानून त्यांची पूजा केली जाते. साडेतीन मुहूर्तातील एक सण असल्याने हिंदूंच्या प्रत्येक घरात तो परंपरागत साजरा केला जातो. तृषार्त पितरांना थंड पाणी मिळावे अशी श्रद्धा असल्याने करा-केळींना मोठी मागणी असते. तालुक्यात या वस्तूंना मोठी मागणी असल्याने दोन-तीन महिने अगोदरच तयारी करावी लागते. या हंगामी व्यवसायातून घराला लागणारी थोडीफार कमाई होत असल्याचे कुंभार समाजाचे भानुदास अष्टेकर, तुकाराम अष्टेकर, रामेश्वर अष्टेकर, शिवाजी अष्टेकर, गणपत अष्टेकर आदींनी सांगितले.