कळवण इनरव्हील क्लबने निभावले सामाजिक दायित्व

इनरव्हील क्लब कळवणतर्फे कळवण खुर्द येथील जिल्हा परिषद प्राथमिक शाळेतील ८० विद्यार्थ्यांना स्पोर्ट ड्रेसची भेट देण्यात आली. अध्यक्षस्थानी इनरव्हील क्लबच्या अध्यक्ष स्नेहा मालपुरे होत्या. व्यासपीठावर प्रमुख अतिथी म्हणून नगरसेविका सुनीता पगार, अनिता जैन, भाग्यश्री पगार, इनरव्हील क्लबच्या सेक्रेटरी नयना पगार, सरपंच रत्नाबाई पवार, गटशिक्षणाधिकारी हेमंत बच्छाव, विस्तार अधिकारी डी. ए. पवार, निशादेवी गिरी, समाधान शिंदे आदी उपस्थित होते. आदिवासी आणि ग्रामीण भागातील जिल्हा परिषद शाळांमध्ये विविध प्रकारची मदत करणाऱ्या इनरव्हील क्लबचे कार्य कौतुकास्पद असल्याचे गटशिक्षणाधिकारी हेमंत बच्छाव यांनी सांगितले. इनरव्हील क्लबच्या अध्यक्ष स्नेहा मालपुरे म्हणाल्या की , आगामी काळातही क्लब अशा प्रकारचे सामाजिक उपक्रम राबवणार असून, सर्व सदस्या त्यासाठी प्रयत्नशील आहेत. कार्यक्रमास इनरव्हील क्लबच्या खजिनदार मीनाक्षी मालपुरे, स्मिता खैरनार, मनीषा जुन्नरे, मनीषा मालपुरे, निशा वालखडे, मंजूषा देवघरे, मनीषा शिंदे, शैला खैरणार, मनीषा वाघ, वैशाली कोठावदे, लता वेढणे, निशा कोठावदे, माधुरी अलई, शोभा पगार, मुख्याध्यापक धनंजय मालपुरे, सरूबाई गुंजाळ, प्रशांत वाघ, सुनीता सोनवणे आदींसह रोटरी क्लब व रोट्रॅक्ट क्लबचे सदस्य उपस्थित होते.

इन्फो

शाळेसाठी यांचाही हातभार

जिल्हा परिषद कळवण खुर्द शाळेला शासनाच्या डोनेट अ डिवाइस कार्यक्रमांतर्गत इनरव्हील क्लब कळवणतर्फे ८० विद्यार्थ्यांना स्पोर्ट ड्रेस, नगरसेविका सुनीता पगार, अनिता जैन, भाग्यश्री पगार यांच्या वतीने स्कॅनर व प्रिंटर, मिथुन शिंदे यांच्यातर्फे स्मार्ट एलईडी टीव्ही, सुभाष शिरोडे व आबा सूर्यवंशी यांच्यातर्फे प्रत्येकी सहा खुर्च्या, प्रवीण संचेती यांच्याकडून स्पीकर एम्प्लिफायर, योगेश शिंदे यांच्याकडून ८० विद्यार्थ्यांना स्वेटर भेट देण्यात आले.