ओबीसी मोर्चासंदर्भात कळवण तालुका नियोजन बैठक

ओबीसी मोर्चासंदर्भात कळवण तालुका नियोजन बैठक

कळवण : माजी उपमुख्यमंत्री छगन भुजबळ यांच्या समर्थनार्थ सोमवारी (३ आॅक्टोबर) काढण्यात येणाऱ्या मूक मोर्चाच्या नियोजनासाठी जुनीबेज येथे बैठक संपन्न होऊन कळवण तालुक्याचे नियोजन करण्यात आले.
ओबीसी नेते, आमदार भुजबळ यांच्यावर खोटे आरोप लावून त्यांना सहा महिन्यांपासून सूडबुद्धीने
तुरु ंगात डांबून ठेवले आहे. त्यांच्यावर केलेल्या कोणत्याही आरोपामध्ये तथ्य नसून फक्त नेतृत्व संपवण्याचे षड्यंत्र असल्याने छगन भुजबळ यांच्या समर्थनार्थ ओबीसी व भुजबळ समर्थक मूक मोर्चास जास्तीत जास्त संख्येने उपस्थित रहावे असे आवाहन समता परिषदेचे जिल्हाध्यक्ष बाळासाहेब कर्डक यांनी केले. कळवण तसेच जुनी बेज येथे भुजबळ समर्थक मोर्चाची नियोजन बैठक राष्ट्रवादी काँग्रेसचे नेते दिलीप खैरे, संतोष डोमे, कैलास पाटील, पोपट बच्छाव, शशीकांत बागुल, कृष्णा बच्छाव,पांडुरंग पाटील, रमेश शेवाळे, अरविंद खैरनार, लोटन गागुर्डे, संजय शेवाळे यांच्या प्रमुख उपस्थितीत संपन्न होऊन चर्चा करण्यात आली. मोर्चात सहभागी होण्याचे आवाहन करण्यात आले .
यावेळी प्रवीण गांगुर्डे, अरविंद खैरनार, बाळासाहेब देशमुख, कृष्णा बच्छाव, रमेश शेवाळे, रमेश बच्छाव,
रुपाली बच्छाव यांनी मनोगत व्यक्त केल. प्रास्ताविक संदीप पाटील यांनी केले. नवी बेज व जुनी बेजसह कळवण तालुक्यातील गावांमध्ये मोटारसायकल जनजागृती रॅली काढण्यात आली.
सुमारे १०० वाहने रॅलीत सहभागी झाले होते. बैठकीस पोपट अहिरे, रमेश बच्छाव, विनोद खैरनार, प्रफुल्ल बागुल, संजय बच्छाव, उमेश बच्छाव महेंद्र बच्छाव, गणेश शेवाळे, भूषण बच्छाव, निलेश बच्छाव, प्रवीण महाजन, हरिदास बागुल, अनिल बच्छाव, भगवान बच्छाव, दीपक खैरनार, बाजीराव धनवटे, रवींद्र गांगुर्डे आदीसह मोठ्या संख्येने ओबीसी बांधव व भुजबळ समर्थक उपस्थित होते. (वार्ताहर)
जायखेडा : जायखेडा येथील महादेव मंदिराच्या सभागृहात मोर्चाच्या नियोजन संदर्भात बैठकीचे आयोजन करण्यात आले होते. नासिक येथील मोर्चात जास्तीत जास्त संख्येने सहभागी व्हावे असे आवाहन पंचायत समितीचे माजी उपसभापती धर्मराज खैरनार यांनी बैठकीत बोलताना केले. यावेळी भारत खैरनार, संजय बच्छाव, विशाल खैरनार, विश्वनाथ अहिरे, शंकर ढेपले, आदीनी मार्गदर्शन केले. या मोर्चात जाण्यासाठी जायखेडा येथून वाहनांची व्यवस्था करण्यात आली आहे . त्याआधी गावातून रँली काढण्यात येणार आहे. बैठकीस भुजबळ समर्थक मोठ्या संख्येने उपस्थित होते.