Ashok Kharat News Marathi: अशोक खरातची काळी कृत्ये आता समोर येऊ लागली आहेत. त्याने अनेक महिलांना जबळजबरीने, गुंगीचे औषध देऊन संबंध ठेवायला भाग पाडले. एका महिलेला तर तू माझी प्रेयसी झाली नाहीस, तर तुझा नवरा ईश्वराचा प्रकोप होऊन मरेल, अशी भीती घातली आणि तिच्यावर बलात्कार केला.
अशोक खरात याच्या कॅनडा कॉर्नर येथील कार्यालयात नोव्हेंबर २०२२ साली पीडिता विधीबाबत चर्चा करण्यासाठी एकटी गेली होती. यावेळी बाबाने ही संधी साधून कार्यालयातील चेंबरमध्ये बोलावून घेतले.
...तर तुझ्या नवऱ्याचा मृत्यू होईल
प्रसाद म्हणून पेढा खाण्यास दिला. त्यानंतर तांब्याच्या भांड्यात असलेले पाणी पाजले. त्यामुळे पीडितेला गुंगी आली आणि डोके जड पडले. यावेळी बाबाने तिच्यासोबत अंगलट करत 'तू माझी प्रेयसी बनून राहिली नाही, तर तुझ्यावर परमेश्वराचा कोप होईल आणि तुझा होणारा नवरा मृत्युमुखी पडेल, मी तुला एकप्रकारे पवित्र करीत आहे' असे सांगून भीती घालून बळजबरी करून शारीरिक अत्याचार केल्याचे फिर्यादीत म्हटले आहे.
महिलेला म्हणाले, 'तुला माझ्याकडे येऊन विधी कराव्या लागतील'
संशयित अशोक खरात याच्यासोबत पीडितेची ओळख २०१९ साली कॅनडा कॉर्नर येथील कार्यालयात झाली होती. त्यावेळी सोबत तिचे दाजीदेखील होते. 'मला दैवीशक्ती प्राप्त असून, त्या शक्तीच्या सामर्थ्याने मी तुझ्या आयुष्यात असलेले अडथळे दूर करतो. तुझे श्रीमंत घराण्यात लग्न होईल, तुझे करिअरदेखील घडेल, त्यासाठी तुला माझ्याकडे येऊन काही विधी कराव्या लागतील' असे सांगून युवतीचा विश्वास संपादन केला होता.
२०२१ साली पीडितेचा साखरपुडा गावाकडे झाला. नंतर तो मोडला तेव्हा खरातने पुन्हा धीर देत ५० हजार रुपये रोख घेत 'पुष्कराज'चा खडा दिला. 'हा खडा 'सिद्ध' करून दिला असून, तो पुन्हा गळ्यात घालण्यास सुरुवात कर, तुझे कल्याण होईल' असे सांगितले.
पतीसोबत आलेल्या महिलेवर कार्यालयातच बलात्कार
२०२२ साली दुसऱ्यांदा लग्नाचे स्थळ आले आणि पीडितेचा साखरपुडा होऊन लग्नसोहळाही पार पडला. लग्नाची बातमी खरात यास सांगितल्यावर त्याने जोडीने आशीर्वाद घेण्यासाठी पीडितेला कार्यालयात बोलावून घेतले आणि पुन्हा त्याच पद्धतीने बलात्कार केल्याचे फिर्यादीत म्हटले आहे.
Web Summary : Ashok Kharat allegedly raped a woman after she refused his advances, threatening her husband's death. He exploited her faith, using drugs and false promises of divine intervention to assault her repeatedly, even after her marriage.
Web Summary : अशोक खरात पर एक महिला को प्रेम प्रस्ताव ठुकराने पर बलात्कार करने का आरोप है, उसने महिला के पति की मृत्यु की धमकी दी। उसने महिला के विश्वास का फायदा उठाया, नशीली दवाओं और दैवीय हस्तक्षेप के झूठे वादों का इस्तेमाल करके शादी के बाद भी बार-बार उसका यौन उत्पीड़न किया।