नाशिक : शहरात दुचाकींबरोबरच आता महागड्या कारही चोरी जाण्याच्या घटना वाढत चालल्या आहेत़ गंगापूर रोडवरील लोकमान्यनगरमधून चोरट्यांनी होंडा सिटी ही महागडी कार चोरून नेल्याची घटना घडली आहे़
त्र्यंबकेश्वर येथील रहिवासी मयूर थेटे यांनी आपली पाच लाख रुपये किमतीची होंडा सिटी कार (एमएच १५, डीएम ४७४६) मंगळवारी (दि़ २८) लोकमान्यनगरमधील शिवगंगा अपार्टमेंटजवळ पार्क केली होती़ चोरट्यांनी ही पार्क केलेली कार चोरून नेली़ या प्रकरणी थेटे यांच्या फिर्यादीवरून सरकारवाडा पोलीस ठाण्यात चोरीचा गुन्हा दाखल करण्यात आला आहे़बुलेटची चोरीनाशिक : पंचवटीच्या उदय प्लाझामधील रहिवासी ज्योती देवरे यांची ६० हजार रुपये किमतीची रॉयल इनफिल्ड बुलेट (एमएच १५, एफझेड ३१३२) चोरट्यांनी आडगाव नाक्याजवळील पद्मालय अपार्टमेंटजवळून चोरून नेली़ याबाबत पंचवटी पोलीस ठाण्यात दुचाकीचोरीचा गुन्हा दाखल करण्यात आला आहे.रविवार कारंजा मोबाइल लांबविलानाशिक : जुन्या नाशिकमधील बुधवार पेठेतील रहिवासी संजय चुंबळे हे मुलीला दुचाकीवरून सोडण्यासाठी जात होते़ त्यांच्या मुलीच्या सॅगच्या बाहेरील कप्प्यात ठेवलेला महागडा मोबाइल चोरट्यांनी चोरून नेला़ या प्रकरणी सरकारवाडा पोलीस ठाण्यात चोरीचा गुन्हा दाखल करण्यात आला आहे़पंचवटीत कुटुंबाला मारहाणनाशिक : दहा हजार रुपये त्वरित परत करा असे म्हणून चौघा संशयितांनी तरुणीसह तिच्या आई व भावास शिवीगाळ करून मारहाण केल्याची घटना पंचवटीतील शनिचौकात शुक्रवारी (दि़ ३१) सायंकाळच्या सुमारास घडली़ या प्रकरणी तेजश्री जाधव यांच्या फिर्यादीवरून संशयित राजेंद्र जाधव, आशा गोवर्धने व त्यांच्या दोन मुलींविरोधात पंचवटी पोलीस ठाण्यात तक्रार करण्यात आली आहे़