नाशिककरांना हुडहुडी भरल्याचे सर्वत्र चित्र
By Admin | Updated: December 30, 2014 00:43 IST2014-12-30T00:43:20+5:302014-12-30T00:43:41+5:30
नाशिककरांना हुडहुडी भरल्याचे सर्वत्र चित्र
नाशिककरांना हुडहुडी भरल्याचे सर्वत्र चित्र
नाशिक : गेल्या पंधरा दिवसांपासून तपमानाचा पारा दिवसेंदिवस घसरत असून, आज या मोसमातील सर्वांत नीचांकी (६़१ अंश) तपमानाची नोंद झाली आहे़ यामुळे नाशिककरांना हुडहुडी भरल्याचे सर्वत्र चित्र आहे. पंधरा दिवसांपूर्वी ६.३ अंश सेल्सिअसची नोंद करण्यात आली होती. आज तपमान ६़१ अंश इतके खाली आहे़ पुढील काही दिवसांत यापेक्षा तपमान खाली जाण्याची शक्यता व्यक्त केली जात आहे़ कालच्या तुलनेत पारा ०.५ अंशांनी घसरल्याने थंडीचा जोर अधिक वाढला आहे़ यामुळे रात्रीसह दिवसभरही नाशिककर उबदार कपडे परिधान करून वावरताना दिसत आहेत़ २६ डिसेंबरला तपमान ९़५ अंश होते यामुळे नाशिककरांना थोडा दिलासा मिळाला होता़ परंतु दुसऱ्या दिवसापासून पुन्हा तपमानाचा पारा घसरू लागला असून, आज तपमानाचा किमान पारा ६.१ अंशावर स्थिरावला आहे. (प्रतिनिधी)
