मंगरुळ येथे ट्रकखाली सापडून वृद्ध गंभीर जखमी

चांदवड - तालुक्यातील मंगरु ळ फाट्यावर मुंबई-आग्रा महामार्गालगत ट्रकच्या मागील चाकात ग्रीस भरत असलेला वयोवृद्ध कामगार ट्रकखाली सापडून गंभीर जखमी झाला. ही घटना बुधवारी (दि. २७) दुपारी दीड वाजेच्या सुमारास घडली. मंगरु ळ येथील आनंदा रामभाऊ निरभवणे (६२) हे मुंबई-आग्रा महामार्गावरु न येणाऱ्या-जाणाऱ्या गाड्यांच्या नेपलमध्ये ग्रीस भरण्याचे काम करतात. ट्रकचालक उत्तम दादाजी कुवर (रा. खडकतळे ता. देवळा) यांनी सांगितल्याप्रमाणे बुधवारी दुपारी दीड वाजेच्या सुमारास मुंबई-आग्रा महामार्गालगत मंगरु ळ फाट्यावरील चांदशावली दर्ग्याजवळ निरभवणे हे ट्रकच्या (क्र . एमएच ४१ एजी ३०३१) मागील चाकाच्या नेपलमध्ये ग्रीस मारत असताना त्याचवेळी ट्रकचालकाने हयगाईने ट्रक सुरु करु न पुढे घेत असताना ट्रक आनंदा निरभवणे यांच्या अंगावरु न गेल्याने ट्रकच्या चाकाखाली सापडून निरभवणे हे गंभीर जखमी झाले. त्याचवेळी दुचाकीवरु न जात असलेले भिमराव निरभवणे व दशरथ गांगुर्डे यांच्या ही घटना लक्षात आल्याने व परिसरातील नागरिकांनी आरडाओरड केल्याने चालकाने गाडी थांबवली. या घटनेत निरभवणे यांचे एक हात व एक पाय फ्रॅक्चर झाल्याने त्यांना तात्काळ उपचारासाठी मंगरु ळ टोलनाक्यावरील रु ग्णवाहिकेतून चांदवड उपजिल्हा रु ग्णालयात दाखल करण्यात आले. तेथे प्राथमिक उपचार करु न नाशिक येथे पाठविण्यात आले. याबाबत चांदवड पोलिसांत भीमराव निरभवणे यांनी फिर्याद दिल्याने पोलिसांनी ट्रकचालकाविरु द्ध गुन्हा दाखल केला असून अधिक तपास पोलीस करीत आहेत.