समग्र शिक्षांतर्गत पुस्तकांचे विद्यार्थ्यांना वाटप सुरू

समग्र शिक्षा अभियानांतर्गत पहिली ते आठवीपर्यंतच्या विद्यार्थ्यांना पुस्तकांचे वाटप सुरू झाले आहे. समग्र शिक्षा अभियानांतर्गत पहिली ते आठवीपर्यंतच्या विद्यार्थ्यांना शिक्षण विभागाकडून दरवर्षी शाळेच्या पहिल्याच दिवशी मोफत पाठ्यपुस्तकांचे वितरण करण्यात येत असले तरी यावर्षी कोरोनाच्या प्रादुर्भावामुळे १५ जूनला शैक्षणिक वर्षा सुरु होऊनही शाळांपर्यंत पुस्तके पोहोचू शकली नव्हती.

ठळक मुद्देसमग्र शिक्षांतर्गत विद्यार्थ्यांना पुस्तकांचे वाटप कोरोना प्रतिबंधात्मक उपाय योजना फिजिकल डिस्टंन्सचे पालन करून पुस्तकांचे वितरण

नाशिक : समग्र शिक्षा अभियानांतर्गत पहिली ते आठवीपर्यंतच्या विद्यार्थ्यांना शिक्षण विभागाकडून दरवर्षी शाळेच्या पहिल्याच दिवशी मोफत पाठ्यपुस्तकांचे वितरण करण्यात येत असले तरी यावर्षी कोरोनाच्या प्रादुर्भावामुळे १५ जूनला शैक्षणिक वर्षा सुरु होऊनही शाळांपर्यंत पुस्तके पोहोचू शकली नव्हती. ही पुस्तके आता अखेर शाळांपर्यंत पोहोचली असून शाळास्तरावरून विद्यार्थ्यांनाही पुस्तकांचे वाटप सुरू झाले आहे. बहूतांश शाळांनी विद्यार्थ्यांच्या पालकांना शाळेत बोलावून पुस्तक वाटप सुरू केले असले तरी काही शाळांमधील विद्यार्थ्यांना पालक रोजगाराच्या शोधात घराबाहेर पडत असल्याने स्वत:च शाळेत जाऊन पुस्तके घ्यावी लागत असल्याचे दिसून येत आहे.  यावर्षी  १५ जूनपासून पासून शैक्षणिक वर्षाची सुरुवात झाली. परंतू ,कोरोनाच्या संकटामुळे कोणत्याही शाळेत विद्यार्थ्यांना बोलविण्यात आलले नाही, परंतु शासनाकडून  ज्या ठिकणी कोरोनाचा प्रादुर्भाव नाही अशा भागातील शाळा जुलैपासून सुरू करण्याच्या सुचना करण्यात आल्या आहे. त्यामुळे शिक्षण विभागाने शहरातील केंद्र शाळांनाच्या माध्यमातून प्रत्यक्ष शाळास्तरावरही पुस्तकांचे वितरण पूर्ण केले असून संबधित शाळांमधून कोरोना प्रतिबंधात्मक उपाय योजना करून  आणि फिजिकल डिस्टंन्सचे पालन करून पुस्तकांचे वाटप सुरू केले आहे.  नाशिक महापालिका क्षेत्रात शिक्षण विभागाचे दोन भाग असून, यातील नाशिक शहर व परिसर भाग एकमध्ये तर नाशिकरोड व सिडको भाग दोनमध्ये आहे. या दोन्ही भागांमध्ये पुस्तकांसाठी दोन स्वतंत्र भांडार असून शहर परिसरात गायकवाडनगर येथील शाळा क्रमांक ३४ येथील भांडारातून पुस्तकांचा पुरवठा करण्यात आला. तर नाशिकरोड व सिडको भागासाठी जेतवननगर येथीळ शाळा क्रमांक ५५ येथील भांडारातून पुस्तकांचा पुरवठा करण्यात येतो. या दोन्ही भांडारांच्या महापालिकेच्या व खासगी अनुदानित अशा मिळून सुमारे १७२ शाळांना २४  केंद्रांच्या माध्यमातून पुस्तकांचा पुरवठा करण्यात येतो. परंतु, यावर्षी भाग दोन मध्ये मराठी माध्यामाच्या शाळांमध्ये एकात्मिक पाठ्यपुस्तक  पथदर्शी प्रकल्प राबविण्यात येत असून संबधित पुस्तकांची अजूनही शाळांना प्रतिक्षा आहे.  हीच स्थिची एकात्मिक पाठ्यपुस्तकांच्या पथदर्शी प्रकल्पांतर्गत येणाºया  मालेगाव व निफाड तालुक्यांतही असून संबधित शाळांना अजूनही काही काळ या पुस्तक ांची प्रतीक्षाच करावी लागणार आहे.