दिंडोरी तहसीलदारांचा वाळूमाफियांना दणका

तहसीलदार पंकज पवार यांनी ८ नोव्हेंबर २०२० रोजी वाळूची परवानापेक्षा अधिक क्षमतेने वाहतूक करणारे सात ट्रक पकडले होते. हे सात ट्रक जप्त करत २७ लाख रुपये दंड आकारला होता; मात्र दंडाची रक्कम ट्रकमालक भरण्यास तयार नसल्याने आता १ मार्च २०२१ रोजी ट्रकचा लिलाव करून दंड वसूल करणार असल्याचे पवार यांनी सांगितले. दिंडोरी तालुक्यात कादवा नदी पात्रातून वाळूची नेहमीच तस्करी होते, तसेच लगतच्या नाशिक-पेठ रस्त्यावर वाळुची सर्वाधिक तस्करी होते. याची माहिती घेत कारवाई करण्यात आली होती; मात्र ट्रकमालकांना दंडाची रक्कम भरणेबाबत आदेश देऊनही रक्कम भरणा न केल्याने आता थेट वाहनांचा लिलाव करून दंडाची रक्कम वसूल केली जाणार आहे. तालुक्यात ही पहिलीच घटना असल्याने वाळू माफियांचे चांगलेच धाबे दणाणले आहे.

फोटो- २२दिंडोरी तहसील

===Photopath===

220221\22nsk_21_22022021_13.jpg

===Caption===

फोटो- २२दिंडोरी तहसील