त्र्यंबक तालुक्यात नाताळ साजरा

त्र्यंबकेश्वर : तालुक्यातील ख्रिश्चन बांधवांकडून नाताळ उत्साहपूर्ण वातावरणात साजरा करण्यात आला. नाताळनिमित्त चर्चवर विद्यूत रोेषणाई करण्यात आली होती.

तालुक्याच्या गुजरात हद्दीजवळील खडकओहळ, हेदपाडा, घोडमानी कास, बुगदपाडा, बेज, करंजपाणा, देवदोंगरी, देवडोंगरा व बाफनविहीर आदी गावात नाताळ उत्साहाच्या वातावरणात साजरा करण्यात आला. यानिमित्त चर्च व अनेक घर-परिसरात विद्यूत रोषणाई करण्यात आली होती. यावेळी भगवान येशूची प्रार्थना करुन ख्रिश्चन बांधवांनी परस्परांना शुभेच्छा दिल्या.