मालेगाव : तालुक्यातील टेहरे येथे सोयगाव बायपास रस्त्यालगत स्वामी समर्थ केंद्राजवळील बंद घराचे कुलुप तोडून अज्ञात चोरट्याने १ लाख ४६ हजार ९५० रुपयांचा ऐवज चोरुन नेला. या प्रकरणी घरमालक शोभाबाई विश्वास अहिरे (५०) या महिलेने छावणी पोलीसात फिर्याद दिली. पोलीसांनी अज्ञात चोरट्या विरुद्ध गुन्हा दाखल केला. ३ फेब्रुवारी रोजी दुपारी दोन ते काल १० फेब्रुवारीच्या सकाळीपूर्वी अज्ञात चोरट्याने फिर्यादीच्या बंद घराच्या दरवाजाचे कुलुप बनावट चावीने उघडून आत प्रवेश केला. घरात ठेवलेले पावणे तीन तोळे वजनाचे सोन्या-चांदीचे दागिने, १२ हजार रुपये किंमतीचा सॅमसंग कंपनीचा भ्रमणध्वनी संच असा एकूण १ लाख ४६ हजार ९५० रुपांचा मुद्देमाल चोरुन नेला. फिर्यादी बाहेरगावी गेल्याने पोलीसात उशीरा फिर्याद देण्यात आली. अधिक तपास उपनिरीक्षक कोलते करीत आहेत.
टेहरे शिवारात घरफोडी; दीड लाखांचा ऐवज लंपास
By लोकमत न्यूज नेटवर्क | Updated: February 11, 2019 18:20 IST