आर्थिक वर्षाअखेरीस बॅँका सुरू राहणार

आर्थिक वर्षाअखेरीस बॅँका सुरू राहणार

नाशिक : आर्थिक वर्षाअखेरीस शासनाकडून प्राप्त होणारे अनुदान व त्यासाठी बॅँकांमध्ये होणाऱ्या गर्दीमुळे ३१ मार्च रोजी स्टेट बॅँकेसह शासकीय व्यवहार हाताळणाऱ्या सर्व बॅँका रात्री आठ वाजेपर्यंत सुरू ठेवण्याचे आदेश जिल्हाधिकारी कुशवाह यांनी दिले आहेत. ३१ मार्च या दिवशी शासनाचे व्यवहार स्टेट बॅँकेच्या माध्यमातूनच केले जात असल्यामुळे प्राप्त झालेले अनुदान खर्ची टाकून जिल्हा कोषागार व तालुका उपकोषागार कार्यालयाकडून कामकाजाची वेळ वाढविण्याचा निर्णय घेण्यात आला आहे. त्यासाठी स्टेट बॅँकेची जिल्हाधिकारी कार्यालयातील कोषागार शाखा, नाशिकरोड व देवळाली कॅम्प शाखा तसेच जिल्हा, मुख्यालयाच्या ठिकाणी असलेल्या स्टेट बॅँका रात्री आठ वाजेपर्यंत सुरू राहणार आहेत.