इंटरनॅशनल स्कुलमध्ये कोरोना विषयी जनजागृती

मालेगाव : येथील दौलती इंटरनॅशनल इंग्लिश मीडियम स्कुलमध्ये कोरोना विषाणु विषयी जनजागृती व उपाययोजना कार्यशाळा घेण्यात आली. यावेळी विद्यार्थ्यांना कोरोना विषाणुबद्दल माहिती देऊन विद्यार्थ्यांची भीती घालविण्यात आली. यानंतर मुख्याध्यापक गणेश शिंदे यांनी मनातील भीती नाहीशी करुन प्रतिबंधात्मक उपाय, आजाराची लक्षणे व घ्यावयाची काळजी याबाबत माहिती दिली. शिक्षिका नम्रता निकम यांनी हात धुण्याचे प्रात्यक्षिक करुन दाखविले. उपमुख्याध्यापक केतन सूर्यवंशी यांनी कोरोना प्रसार व परिणाम यांची माहिती दिली. यावेळी संस्थेचे अध्यक्ष देविदास बच्छाव, कोषाध्यक्ष कमल बच्छाव, सचिव सचिन बच्छाव, उपाध्यक्ष पूनम बच्छाव, प्राचार्य गणेश शिंदे, उपप्राचार्य केतन सूर्यवंशी यांच्या शिक्षक, शिक्षकेतर कर्मचारी उपस्थित होते.