वाळू माफियांच्या वाहनांचा लिलाव

अवैध वाळू उपसा करून वाहतूक करणाऱ्या तीन वाहनांना तहसीलदार जितेंद्र इंगळे पाटील यांनी रंगेहाथ पकडले होते. दंड भरण्यासाठी वेळोवेळी नोटीस बजावूनही रक्कम न भरल्याने तहसीलदार इंगळे पाटील यांनी आता जप्त केलेले तीन ट्रक्स लिलावात काढले आहेत. ९ लाख ४५ हजार ५०० रुपये दंड वसुलीसाठी येत्या ८ मार्चला या वाहनांचा लिलाव करण्यात येणार असून वाहनधारक अजय झाल्टे (रा. नाशिक) यांना ४ लाख ४ हजार ७५० रुपये, विजय नवल सरस (रा. साक्री, जि. धुळे) २ लाख ९४ हजार ५०० रुपये, केतन ताराचंद भावसार (रा. पाटणे, मालेगाव) यांना २ लाख ४७ हजार २५० रुपये दंड आकारला आहे.