इंदिरानगर : वडाळागाव परिसरात विधानसभा निवडणुकीच्या पार्श्वभूमीवर इंदिरानगर पोलीस ठाण्याच्या वतीने सशस्त्र संचलन करण्यात आले. कायदासुव्यवस्थेचा कुठलाही प्रश्न वडाळागावसह इंदिरानगर भागात निवडणुकीच्या काळात उद्भवू नये, यासाठी पोलीस प्रशासनाकडून खबरदारी घेतली जात आहे. वडाळागावातील श्रीश्री रविशंकर या शंभरफुटी मार्गावरून संचलनाला सुरुवात करण्यात आली. तेथून वरिष्ठ पोलीस निरीक्षक महेंद्र चव्हाण यांच्या मार्गदर्शनाखाली पोलीस कर्मचाऱ्यांचे पथक, दंगल नियंत्रण पथक (आरसीपी), जलद प्रतिसाद पथकाच्या (क्यूआरटी) जवानांनी सशस्त्र सहभागी होत शक्तिप्रदर्शन केले. गणेशनगर, आलिशान सोसायटी, जय मल्हार कॉलनी, खंडेराव चौक, संजरी मार्ग, माळी गल्ली, गोपालवाडी, महेबूबनगर आदी भागातून पोलिसांनी संचलन केले. कायदासुव्यवस्था बिघडविण्याचा प्रयत्न करणाºया समाजकंटकांची कुठल्याही प्रकारे गय केली जाणार नाही, असे अप्रत्यक्षपणे पोलिसांनी या शक्तिप्रदर्शनातून सांगण्याचा प्रयत्न केला. तसेच इंदिरानगर भागातदेखील पोलिसांचे संचलन झाले.
वडाळागावात सशस्र संचलन
By लोकमत न्यूज नेटवर्क | Updated: October 18, 2019 01:27 IST