नाशिकरोड पोलीस ठाण्यास प्रथम क्रमांकाचे पारितोषिक

नाशिक पोलीस आयुक्तालयाच्या वतीने स्टार आॅफ दि इयरमध्ये नाशिकरोड पोलीस ठाण्यास प्रथम क्रमांकाचे पारितोषिक पोलीस आयुक्त विश्वास नांगरे-पाटील यांच्या हस्ते देऊन गौरविण्यात आले.

नाशिकरोड : नाशिक पोलीस आयुक्तालयाच्या वतीने स्टार आॅफ दि इयरमध्ये नाशिकरोड पोलीस ठाण्यास प्रथम क्रमांकाचे पारितोषिक पोलीस आयुक्त विश्वास नांगरे-पाटील यांच्या हस्ते देऊन गौरविण्यात आले.पोलीस आयुक्तालयाच्या वतीने शहरातील १३ पोलीस ठाण्यांसाठी १ जानेवारी ते ३१ डिसेंबर २०१९ या कालावधीत कामकाजात सुधारणा व प्रभावीपणे कार्यवाही करण्यासाठी पोलीस ठाणेनिहाय १४ मुद्द्यांवर प्रश्नपत्रिका तयार करण्यात आली होती. वर्षभरात पोलीस ठाण्याच्या हद्दीत गंभीर गुन्हे, खुनाच्या घटना, प्रतिबंधक कारवाई, स्वच्छता आदी विषयांवर ५ हजार गुणांचे मूल्यांकन पत्रिका तयार करण्यात आली. नाशिकरोड पोलीस ठाण्याने सर्वाधिक २५१२ गुण प्राप्त करून प्रथम क्रमांक पटकावला, द्वितीय- पंचवटी पोलीस ठाणे (२४४९ गुण), तृतीय- सातपूर पोलीस ठाणे (२४४३ गुण) व शहर वाहतूक शाखेच्या युनिट-२ यांनी १५०० पैकी ९८३ गुण प्राप्त करून प्रथम क्रमांक पटकावला.मूल्यांकनाचे काम पोलीस उपायुक्त लक्ष्मीकांत पाटील, पौर्णिमा चौगुले-श्रींगी व सहायक पोलीस आयुक्त समीर शेख यांनी केले.