अक्कलकुवा येथील विज्ञान महाविद्यालयात ऑनलाइन शिबिर

ऑनलाइन पद्धतीने कार्यक्रमास प्रमुख पाहुणे म्हणून गटविकास अधिकारी नंदकिशोर सूर्यवंशी, तालुका वैद्यकीय अधिकारी अक्कलकुवा डॉ. स्वप्निल मालखेडे, महेश कुवर, प्रा. रवींद्र गुरव उपस्थित होते. डॉ. मालखेडे यांनी लसीकरण प्रत्येकाने करायला पाहिजे, असे आवाहन करून मनातील गैरसमज दूर करत विद्यार्थ्यांना मार्गदर्शन केले. गटविकास अधिकारी सूर्यवंशी यांनी लसीकरणासाठी युवा पिढीने सहकार्य करावे असे आवाहन केले. जिल्हा समन्वयक डॉ. माधव कदम व डॉ. बी.एस. पाटील, प्रभारी प्राचार्य डॉ. भरत एन. पाटील यांच्या मार्गदर्शनात हा उपक्रम झाला. कार्यक्रम अधिकारी डॉ. विनोद राघोजी जोगदंड, विद्यार्थी शिक्षक आणि शिक्षकेतर कर्मचारी यांनी ऑनलाइन पद्धतीने या कार्यक्रमात सहभाग नोंदवला. यशस्वीतेसाठी प्रा.गोटू सूर्यवंशी शिक्षकेतर कर्मचारी, नारायण पाटील, भगवान पाटील यांनी परिश्रम घेतले.