आमदारांनी केली सुधारित कापूस प्रकल्पाची पाहणी

सुधारित कापूस आदर्श पद्धती प्रकल्पास आमदार शिरीषकुमार नाईक यांनी भेट देत माहिती घेतली. यावेळी त्यांनी शेतकऱ्यांना करण्यात येत असलेल्या मार्गदर्शनाची माहिती घेतली.

प्रकल्पाचे व्यवस्थापक प्रशांत देसले यांनी त्यांचे स्वागत केले. यावेळी बोरपाड्याचे माजी सरपंच अशोक पाेसल्या गावीत, शिवाजी सदाशिव गावीत, शंकर गावीत, योगेश मावची आदी उपस्थित होते.

यावेळी लुपिन ह्युमन वेल्फेअर ॲण्ड रिसर्च फाउंडेशन नंदुरबार जिल्ह्यात दोन वर्षांपासून कापूस पिकाचे उत्पादन घेणाऱ्या शेतकऱ्यांसाठी सुधारित कापूस आदर्श पद्धती प्रकल्प राबवत आहे. बीसीआय व जीआयझेड अंतर्गत हे प्रकल्प राबवण्यात येत असल्याची माहिती व्यवस्थापक देसले यांनी आमदार शिरीषकुमार नाईक यांना दिली. या प्रकल्पांतर्गत चिंचपाडा प्रकल्प कार्यालयांतर्गत ३४ गावांमध्ये ५ हजार १२ तरविसरवाडी कार्यालयांतर्गत ३१ गावांमधील ५ हजार ६०० शेतकऱ्यांना सुधारित कापूस पद्धतीची माहिती देण्यात आली आहे. यातून शेतकऱ्यांना लाभ झाला असून शेतीतील खर्च करुन शाश्वत उत्पादन येत असल्याची माहिती देण्यात आली. कार्यक्रमात पराग नाईक यांनी कापूस पीक महत्त्व, कीड रोगाची माहिती दिली. हा उपक्रम लुपिनचे मुख्य प्रकल्प व्यवस्थापक योगेश राऊत, प्रकल्प व्यवस्थापक लक्ष्मण खोसे, प्रकल्प प्रमुख सुनील सैंदाणे, जिल्हा समन्वयक दीपक जाधव यांच्या मार्गदर्शनात राबवण्यात येत आहे. या उपक्रमाचे आमदार शिरीषकुमार नाईक यांनी कौतुक करत तालुक्यातील शेतकऱ्यांना यातून लाभ होणार असल्याचे सांगितले.