शहादा येथे भाजपची बैठक

बैठकीच्या अध्यक्षस्थानी भाजपचे जिल्हा उपाध्यक्ष प्रा.मकरंद पाटील होते. बैठकीला भाजपच्या जिल्हा उपाध्यक्षा कल्पना पंड्या, भाजप महिला आघाडीच्या जिल्हाध्यक्षा किन्नरी सोनार, तालुका प्रभारी जितेंद्र जमदाळे, शहराध्यक्ष विनोद जैन, नंदा सोनवणे, भावना लोहार, अनामिका चौधरी, रोहिणी भावसार, लक्ष्मीकांत वसावे, जयेश देसाई, निकेश राजपूत, रमाशंकर माळी, माजी नगरसेवक रवींद्र जमादार, नगरसेवक नाना निकम, संजय साठे, विजय कदम व कार्यकर्ते उपस्थित होते. प्रा.मकरंद पाटील म्हणाले की, कार्यकर्त्यांनी संघटितपणे डॉ.श्यामाप्रसाद मुखर्जी यांची पुण्यतिथी व जयंती उत्साहाने साजरी करून सामाजिक उपक्रम व कार्यक्रम यशस्वीपणे घ्यावेत. त्यात सगळ्यांनी योगदान द्यावे. डॉ.श्यामाप्रसाद मुखर्जी यांचे विचार सर्वसामान्य जनतेपर्यंत कसे पोहोचतील यासाठी प्रयत्न करावा, असे आवाहन केले. कल्पना पंड्या, जितेंद्र जमदाळे, रवींद्र जमादार यांनीही मार्गदर्शन केले. सूत्रसंचालन विनोद जैन यांनी केले.