नांदेड : शहरातील केशवनगर भागातील एका इमारतीत गुरुवारी दुपारी २ वाजताच्या सुमारास घरामध्ये खेळताना एक बालक दरवाजा लॉक झाल्याने खोलीत बंद झाल्याची घटना घडली. मात्र, अग्निशमन दलाच्या जवानांनी खिडकीवाटे थरारकपणे आत शिरून त्या बालकास सुखरूप बाहेर काढले.
५ मार्च रोजी दुपारी ठीक १:५५ च्या सुमारास, हनुमानगड कमानीजवळील 'वृंदावन निवास' या इमारतीत सतीश कंकरे यांचे एक वर्षाचे बाळ, शिवांश हा पहिल्या मजल्यावरील खोलीत खेळत होते. खेळता-खेळता अचानक खोलीचा 'डोअर लॉक' लागल्याने बाळ आतमध्ये एकटेच अडकले. पालकांनी दरवाजा उघडण्याचा प्रयत्न केला, परंतु यश आले नाही. घाबरलेल्या पालकांनी तातडीने अग्निशमन विभागाशी संपर्क साधून मदतीची याचना केली.
घटनेचे गांभीर्य ओळखून अग्निशमन अधिकारी आणि कर्मचारी रेस्क्यू वाहनासह तत्काळ घटनास्थळी दाखल झाले. दरवाजा आतून बंद असल्याने तो तोडण्याऐवजी जवानांनी इमारतीच्या पाठीमागच्या बाजूने खिडकीद्वारे आत शिरण्याचा निर्णय घेतला. यासाठी ३५ फुटी शिडी लावून जवान खिडकीपर्यंत पोहोचले. त्यानंतर 'फायर हुक'च्या साहाय्याने बंद असलेल्या दरवाजाची कडी अत्यंत शिताफीने उघडण्यात आली.
अखेर जवानांनी चिमुकल्या शिवांशला त्याच्या पालकांच्या स्वाधीन केले, तेव्हा सर्वांनी सुटकेचा नि:श्वास सोडला. या यशस्वी रेस्क्यू ऑपरेशनमध्ये अग्निशमन अधिकारी के. एस. दासरे, उप अग्निशमन अधिकारी नीलेश कांबळे, कर्मचारी उमेश ताटे, नरवाडे, मगरे, पठाण आणि वाहन चालक एस. नरवाडे यांनी कामगिरी बजावली.
Web Summary : Firefighters in Nanded rescued a one-year-old boy, Shivaansh, trapped inside his apartment after the door locked unexpectedly. Using a 35-foot ladder, they accessed the window and skillfully opened the door, reuniting the child with his relieved parents.
Web Summary : नांदेड़ में दमकल कर्मियों ने एक साल के बच्चे शिवांश को उसके अपार्टमेंट में दरवाजा बंद होने के बाद फंसा हुआ पाया। 35 फुट की सीढ़ी का उपयोग करके, उन्होंने खिड़की तक पहुंच बनाई और कुशलता से दरवाजा खोला, जिससे बच्चे को उसके माता-पिता से मिला दिया।