नांदेड: दुसऱ्या वर्गात शिकणाऱ्या चिमुकलीवर शाळेतील शिक्षकाने अत्याचार केल्याची घटना उघडकीस आली आहे. भाग्यनगर पोलिसांनी या प्रकरणी शिक्षकास ताब्यात घेतले असून पोक्सो व अन्य कलमान्वंये गुन्हा दाखल करण्यात आला आहे.
शहरातील एका शाळेत ७ वर्षीय मुलगी दुसऱ्या वर्गात शिक्षण घेत आहे. या शाळेतील शिक्षकाने १९ नोव्हेंबर रोजी मुलीस गाठून तिच्यासोबत अत्याचार केला. त्याबाबत कुणाकडे वाच्यता केल्यास मारहाण करेल असे धमकावले. दरम्यान, गुरुवारी सकाळी मुलगी शाळेत जायला तयार नव्हती. पालकांनी विचारणा केली असता घडला प्रकार सांगत मला शाळेत जायला भिती वाटत असल्याचे तिने सांगितले.
पालकांनी तात्काळ पोलिस ठाणे गाठून घडला प्रकार कथन केला. घटनेचे गांभीर्य लक्षात घेता भाग्यनगर ठाण्याचे पोलिस निरीक्षक संतोष तांबे यांनी उपरोक्त शिक्षकास तात्काळ अटक केली. दरम्यान, पोलीस उपअधीक्षक प्रशांत शेळके यांनीही भाग्यनगर ठाण्यास भेट देवून तपासाच्या सूचना केल्या.
Web Summary : A teacher in Nanded was arrested for sexually assaulting a second-grade student. The 7-year-old girl revealed the abuse after refusing to go to school, fearing the teacher who had threatened her. Police have filed charges under POCSO Act and other relevant sections.
Web Summary : नांदेड में एक शिक्षक को दूसरी कक्षा की छात्रा के साथ यौन उत्पीड़न के आरोप में गिरफ्तार किया गया है। 7 वर्षीय लड़की ने स्कूल जाने से इनकार करने के बाद दुर्व्यवहार का खुलासा किया, क्योंकि उसे शिक्षक से डर लगता था, जिसने उसे धमकी दी थी। पुलिस ने पोक्सो एक्ट और अन्य प्रासंगिक धाराओं के तहत आरोप दायर किए हैं।