नांदेड-नागपूर महामार्गावरील अपघातात एक ठार, सात जखमी

नांदेड-नागपूर महामार्गावरील अर्धापूरजवळील राजहंस मंगल कार्यालयाजवळ १७ मार्च रोजी दुपारी तीन वाजताच्या सुमारास भरधाव वेगातील काळीपिवळी जीपने पाठीमागून आॅटोला जबर धडक दिल्याने आॅटोतील महिला ठार तर सात जण जखमी झाले़

पार्डी : नांदेड-नागपूर महामार्गावरील अर्धापूरजवळील राजहंस मंगल कार्यालयाजवळ १७ मार्च रोजी दुपारी तीन वाजताच्या सुमारास भरधाव वेगातील काळीपिवळी जीपने पाठीमागून आॅटोला जबर धडक दिल्याने आॅटोतील महिला ठार तर सात जण जखमी झाले़नांदेड-नागपूर महामार्गावर रविवारी दुपारी भरधाव वेगात येणाऱ्या काळीपिवळीने अ‍ॅपे आॅटोला धडक दिली. यात १ ठार तर ७ च्यावर प्रवासी गंभीर जखमी. सर्व जखमींना नांदेडच्या शासकीय रुग्णालयात दाखल करण्यात आले आहे.याबाबत अधिक वृत्त असे की, नांदेड-नागपूर महामार्गावर राजहंस मंगल कार्यालयासमोर (एम.एच.२३ ई.३४५७) काळी-पिवळी पॅसेंजरची व (एम.एच.२६एन.७६९) अ‍ॅपे आॅटोचा अपघात झाला. भरधाव वेगात येणाऱ्या नांदेडमार्गे जाणाºया काळी पिवळीने-नांदेडमार्गे जाणाºया अ‍ॅपे आॅटोला पाठीमागून जोरदार धडक दिली़ या धडकेत आॅटो रस्त्याच्या बाजूच्या खड्ड्यात पडला तर काळीपिवळी रस्त्यावर उलटली़ या भीषण अपघातात लक्ष्मीबाई दत्ता गायकवाड यांचा मृत्यू झाला तर दोन्ही वाहनांतील सात प्रवासी गंभीर जखमी झाले. या अपघातात जखमी झालेल्यांची नावे पुढीलप्रमाणे - आॅटोतील मयत लक्ष्मीबाई दत्ता गायकवाड (वय ६० रा़ डोंगरकडा), (दोन्ही वाहनांतील जखमी), उत्तम वाघमारे (वय ३८ रा.हडको नांदेड), नंदा वाघमारे (वय ३० रा.हडको नांदेड), न्यान्सी वाघमारे (वय १३ रा.हडको नांदेड, जीपमधील जखमी, गिरीश अभय (वय ५८ रा.संभाजीनगर नांदेड) मीरा कंधारे (वय ३५ रा.कुर्तडी ता.कळमनुरी), शिफा खान (वय ७ रा. जावळा पांचाळ ता. कळमनुरी), सैफ खान (वय ५-६), जावेद खान (वय ३५) यावेळी सर्व जखमींना नांदेड येथील शासकीय रूग्णालयात उपचारासाठी दाखल करण्यात आले आहे. स.पो.नी. शेख रहेमान, सा.पो. हवालदार शेख एकबाल, नरेश यादव, गणेश लोसल्वार, गणेश पण्जोल, रामदास केंद्रे, शंकर याबाजी तपास करीत आहेत़