इस्लापूर येथे दत्त जन्मोत्सव

लोकसहभागातून वृक्षारोपण

हदगाव - जीवनांकुर बहुउद्देशीय सेवाभावी संस्थेच्या वतीने हदगाव येथील स्मशानभूमीमध्ये लोकसहभागातून वृक्षारोपण करण्यात आले. यावेळी अब्दुल्ला चाऊस, हरीश्चंद्र चिल्लोरे, अजीत बंडेवार, शेख रसुलभाई, शेख नजीरोद्दीन उपस्थित होते.

हायमॅक्सच्या कामास सुरुवात

लोहा - शहरातील छत्रपती शिवाजी चौकमधील बंद पडलेल्या हायमॅक्सच्या कामास काही दिवसापूर्वी सुरुवात झाली. याकामी खा.प्रताप पाटील चिखलीकर, नगराध्यक्ष गजानन सावकार सूर्यवंशी यांनी पुढाकार घेतला. यावेळी पं.स. उपसभापती नरेंद्र गायकवाड, गटनेते करीम शेख, नगरसेवक भास्कर पवार, राजू इंगळे, दत्ता वाले आदी उपस्थित होते.

जमाते इस्लामीचा मेळावा

बिलोली - येथे जमाते इस्लामीचे सदस्य समाज बांधवांचा मेळावा शुक्रवारी घेण्यात आला. सुरुवातीला जिल्हाध्यक्ष मिर्झा युसुफबेग यांनी कुरान पठण म्हटले. यावेळी सईद शीबीबी, महंमद जीयाउद्दीन, अब्दुल अ.गनी, खाजा मोईनोद्दीन, नजीर पटेल, इमाम सावलीकर, गफूर कुरेशी, मसुद शीबीबी, ॲड.रिझवान, शेख चांदभाई, शेख सलीममीया, वासे पटेल, मिर्झा अजीजबेग, वहाब सिद्दीकी आदी उपस्थित होते. कार्यक्रमासाठी शेख मेहबुब, मिर्झा बेग, इरशाद मौलाना, शौकत बेग, नवाब खान, जीयाऊर इरफान, मुशीफ शेख आदींनी परिश्रम घेतले. सूत्रसंचालन व आभार प्रदर्शन नवाबखान पठाण यांनी म्हटले.

उपाध्यक्षपदी पाटील

बिलोली - तालुक्यातील लघूळ येथील तथा माजी सभापती शांतेश्वर पाटील यांनी भाजपा किसान मोर्चाच्या नांदेड उपाध्यक्षपदी निवड झाली. यावेळी माजी खा.भास्करराव पाटील खतगावकर, खा.प्रताप पाटील चिखलीकर, जिल्हाध्यक्ष व्यंकटराव पाटील, जिल्हा सरचिटणीस गंगाधर जोशी, लक्ष्मणराव ठक्करवाड, महिला आघाडीच्या चित्रा गोरे, बाबुराव केंद्रे आदी उपस्थित होते.

रस्त्याची दुरावस्था

मुदखेड - मुदखेड-मुगट ते आमदुरा मार्गे नांदेडला जाणाऱ्या रस्त्याची दुरावस्था झाली आहे. या रस्त्यावर मोठमोठे खड्डे पडले. त्यामुळे अपघाताचे प्रमाण वाढले आहे. खड्डयामुळे आमदराजवळ माजी नगराध्यक्ष शंकर राठी यांच्या भावाचा २९ डिसेंबर रोजी सकाळी ८ वाजता अपघात झाला. त्यात ते जखमी झाले. दरम्यान, रस्त्यावरील खड्डे बुजवण्यात यावे अशी मागणी होत आहे.

पळसागाव तांडा येथे स्वच्छता अभियान

उमरी - तालुक्यातील पळसगाव तांडा येथे विद्यार्थ्यांनी स्वच्छता अभियान राबविले. याकामी अविनाश जाधव यांनी पुढाकार घेतला. ३१ डिसेंबर रोजी अभियानात सहभागी विद्यार्थ्यांचा सत्कार केला जाणार आहे.

दांडेगावकर यांचा सत्कार

नांदेड - राष्ट्रीय सहकारी साखर कारखाना महासंघाच्या अध्यक्षपदी ज्येष्ठ नेते जयप्रकाश दांडेगावकर यांची निवड झाली. त्याबद्दल राष्ट्रवादीचे कार्यकर्ते दासराव पुयड यांनी वसमत येथे जावून दांडेगावकर यांचा सत्कार केला. यावेळी अभिजित मुळे पाटील, खालीद नवाज व अन्य उपस्थित होते.