धर्माबादेत काँग्रेस कमिटी तर्फे कॉग्रेस स्थापना दिवस साजरा

यावेळी कॉंग्रेस पक्षाच्या शंभर वर्षांपूर्वीच्या व स्वातंत्र्याच्या काळातील कॉग्रेसच्या योगदानाबद्दल व पक्षातील मागील काळात जेष्ठ नेत्यांच्या पक्षनिष्ठेचे उदाहरण देऊन कार्यकर्त्यांनी व पदाधिकाऱ्यांनी त्यांचे आदर्श समोर ठेऊन काम करावे असे गोविंदराव पाटील रोषणगावकर यांनी मनोगत व्यक्त केले. काँग्रेसच्या महान नेत्यांचे देशावरचे बलिदान व्यर्थ जाणार नाही. येणाऱ्या काळात कॉंग्रेसला चांगले बळ मिळेल असे मत नगरसेवक सायारेड्डी यांनी मांडले.

महाराष्ट्रातील व नांदेड जिल्ह्यातील युवक काँग्रेस भक्कम असून युवक व जेष्ठ नेत्यांची मोठ बांधून काम केल्यास नांदेड जिल्हयासह धर्माबाद तालुका व शहर कॉग्रेस मय झाल्याशिवाय राहणार नाही असे प्रखट मत नगरसेवक निलेश पाटील बाळापुरकर यांनी व्यक्त केले.

प्रास्ताविक शहराध्यक्ष ताहेर पठाण यांनी केले तर आभार मारोती माकणे यांनी मानले. यावेळी माजी नगराध्यक्ष दिगंबर लखमावाड, विठ्ठल कोंडलवाडे, प्रतिष्ठीत व्यापारी संजय कोडगिरे, पाटोदा येथील जारीकोटे पाटील, संजय गायकवाड, सय्यद बाबर, मिनाजी लखमावाड व इतर पदाधिकारी, कार्यकर्ते उपस्थित होते.