अध्यक्षपदी ढगे

शांतता समितीची बैठक

बिलोली - बिलोली तालुक्यातील अर्जापूर व सुलतानपूर येथे ग्रामपंचायत निवडणुकीच्या पार्श्वभूमीवर शांतता समितीची बैठक घेण्यात आली.यावेळी कुंडलवाडीचे पोलीस निरीक्षक सुरेश मांटे यांनी कायदा व सुव्यवस्थेचे पालन करण्याचे आवाहन केले. बैठकीला शिवाजी पोरडवार, पोलीस पाटील संजय पतंगे, बालाजी मेडेकर, मुक्तार शेख, गौराजी शेटीवार, मोतीराम कदम, शब्बीर पटेल, आनंदा पतंगे, सिद्धार्थ पतंगे, संतोष घोनशेटवार, डी.बी. जहागीरदार, हणमंत कदम आदी उपस्थित होते.

श्रीमयी चमकली

हिमायतनगर - पुणे येथे आयोजित कीडस् ऑयोडल २०२० या सोलो डांस स्पर्धेत हिमायतनगरची श्रीमयी सूर्यवंशी ब गटात प्रथम आली.स्पर्धेचे परीक्षक मृदुंग देसाई यांनी केले. ही स्पर्धा ऑनलाईन घेण्यात आली.

अखंड हरिनाम सप्ताह

उमरी - तालुक्यातील हुंडा गंगापट्टी येथे अखंड हरिनाम सप्ताह चालू असून यानिमित्ताने विविध कार्यक्रम घेण्यात येत आहेत. दररोज पहाटे काकडा आरती, ज्ञानेश्वरी पारायण, गाथा भजन, श्रीराम कथा, हरीपाठ, हरीकीर्तन, हरीनाम जागर आदी कार्यक्रम चालू राहणार आहेत. लक्ष्मण पाटील, निळू कुदळेकर आदींच्या उपस्थितीत कार्यक्रम होत आहे. ३० डिसेंबर रोजी महाप्रसाद होईल.

रमेश पवार यांना पुरस्कार

लोहा - तालुक्यातील जिल्हा परिषद प्राथमिक शाळा बोरगाव आ. येथे कार्यरत रमेश पवार यांना राज्यस्तरीय गुणवंत शिक्षक गुरुगौरव पुरस्कार जाहीर झाला. पवार यांनी विद्यार्थ्यांसाठी विविध उपक्रम राबविले. तसेच सामाजिक क्षेत्रातही चांगले काम केले आहे.

धम्मदेसना कार्यक्रम

लोहा - तालुक्यातील गोळेगाव येथे तपोवन बुद्धभूमीत ३ जानेवारी रोजी धम्मदेसना कार्यक्रम होणार आहे. या कार्यक्रमात पूज्य भदंत बी.संघपाल थेरो हे धम्मदेसना देणार आहेत. कार्यक्रमासाठी परिसरातील उपासिकांनी उपस्थित राहावे असे आवाहन संयोजकांनी केले आहे.

गायकवाड यांचा सत्कार

भोकर - येथील एका विवाह समारंभाला शिक्षणमंत्री वर्षा गायकवाड उपस्थित होत्या. त्यांचा सामाजिक कार्यकर्ते गुणवंत मिसलवाड यांनी सत्कार केला. यावेळी ॲड.भानुदास कलवले, प्रा.राजू गोडसे, संगमेश्वर कलवले, वामनराव मोरताटे, प्रकाश गोरेकर, डॉ.सूर्यकांत सोनखेडकर, जनार्धन गुपिले, गणेश वाघमारे, योगेश गुंडाळे, संग्राम कलवले, अरुण कलवले आदींची उपस्थिती होती.

काँग्रेस स्थापना दिवस

उमरी - येथे माजी आ.वसंतराव चव्हाण यांच्या संपर्क कार्यालयात काँग्रेसचा स्थापना दिवस साजरा करण्यात आला. कार्यक्रमाला तालुकाध्यक्ष प्रल्हाद पाटील, बापूसाहेब पाटील, प्रकाश पाटील, शहराध्यक्ष किशोर पबितवार, दिगंबर गायकवाड, गजानन अडगुलवार, बालाजी सूर्यवंशी, साईनाथ गायकवाड, राजेश वर्मा, त्रिरत्न सवई आदी उपस्थित होते.

अतिरिक्त कर्मचाऱ्यांची मागणी

उमरी - तालुक्यातील ५७ ग्रामपंचायत निवडणुकीसाठी ५७५ कर्मचारी उपलब्ध आहेत. मात्र अजून २२५ अतिरिक्त कर्मचाऱ्यांची मागणी करण्यात आली. जिल्हास्तरावरील वरिष्ठांकडे तसा प्रस्ताव पाठविण्यात आला. प्रत्येक मतदान बुथवर ४ कर्मचारी नियुक्त आहेत. बुथची संख्या लक्षात घेता कर्मचारी संख्या कमी पडत आहे.