सिमेंट रोड बांधकामाकरिता वाहतूक बंद

नागपूर : सिमेंट रोड बांधकामाकरिता सहकारनगर घाट (पूल) ते ऑरेंज सिटी हॉस्पिटल चौकापर्यंत डाव्या बाजूची वाहतूक बंद करण्याचे आदेश महानगरपालिका आयुक्त राधाकृष्णन बी. यांनी दिले आहेत.

मनपाच्या सिमेंट काँक्रिट रस्ते प्रकल्पांतर्गत सहकारनगर घाट (पूल) ते ऑरेंज सिटी हॉस्पिटल चौकापर्यंत सिमेंट काँक्रिट रस्त्याचे बांधकाम प्रस्तावित आहे. त्या अनुषंगाने १ एप्रिल ते ३१ जुलै २०२१ या कालावधीमध्ये उपरोक्त मार्गाच्या डाव्या बाजूकडील मार्ग बंद करण्यात येईल. सदर मार्ग उजव्या बाजूने वळविण्यात येणार आहे. काम सुरू असलेल्या ठिकाणी सूचना फलक लावून काम सुरू झाल्याची व पूर्ण करण्याचा दिनांक नमूद करणे, कंत्राटदाराने स्वतःचे नाव व संपर्क क्रमांकाचा फलक लावणे, पर्यायी मार्ग सुरू होण्याच्या व संपण्याच्या ठिकाणी तसेच बॅरिकेड्सजवळ सुरक्षा रक्षक किंवा स्वयंसेवक नेमण्याचे आदेश आयुक्तांनी दिले.