नागपूर : आराेपीने विवाहित महिलेला तिच्या पती व मुलांना जीवे मारण्याची धमकी देऊन तिच्यावर बळजबरीने लैंगिक अत्याचार केला. याबाबत कुणाला सांगितल्यास मारहाण करीत तिलाही जीवे मारण्याची धमकी दिली. पाेलिसांनी आराेपीविरुद्ध गुन्हा नाेंदवून त्याचा शाेध सुरू केला आहे. ही घटना माैदा पाेलीस ठाण्यांतर्गत रविवारी (दि.९) सकाळी ११.३० वाजताच्या सुमारास घडली.
सतीश कृष्णाजी जाैंजाळकर (रा. जयस्तंभ चाैक, माैदा) असे फरार आराेपीचे नाव आहे. आराेपीने ३४ वर्षीय विवाहित महिलेस माेबाईलवर फाेन करून ‘तू मला भेटायला ये’ असे म्हटले. यावर तिने नकार दर्शविल्याने आराेपीने तिच्या पतीला व मुलांना गाडीने उडविण्याची धमकी दिली. यामुळे घाबरलेल्या महिलेस आराेपीने एमएच-३१/ईए-२१२६ क्रमांकाच्या तवेरा वाहनात बसवून तिला रामटेक राेडवरील मिर्नवा बारच्या मागे असलेल्या पडीक जागेवर नेऊन वाहनामध्ये मारहाण करीत तिच्याशी बळजबरीने शारीरिक संबंध प्रस्थापित केले. शिवाय, आराेपीने तिला हाताबुक्कीने मारहाण करून याबाबत कुणाला सांगितल्यास तिला जीवे मारण्याची धमकी दिली.
याप्रकरणी पीडित महिलेच्या तक्रारीवरून माैदा पाेलिसांनी आराेपीविरुद्ध भादंवि कलम ३७६, ३७६ (२)(एन), ५०४, ५०६ अन्वये गुन्हा नाेंदवून फरार आराेपीचा शाेध सुरू केला आहे. या गुन्ह्याचा पुढील तपास सहायक फाैजदार चाैधरी करीत आहेत.