पायाभूत सुविधांच्या आधुनिकीकरणाला प्रोत्साहन

वायुसेनेच्या अनुरक्षण कमान मुख्यालयातर्फे वायुसेना, नौसेना व थलसेना या तिन्ही सैन्य दलाच्या मेंटनन्स

पीएमओसीची बैठक : तिन्ही सैन्य दलातील अधिकाऱ्यांचा भर नागपूर : वायुसेनेच्या अनुरक्षण कमान मुख्यालयातर्फे वायुसेना, नौसेना व थलसेना या तिन्ही सैन्य दलाच्या मेंटनन्स आॅफिसर्स समितीची (पीएओसी) दुसरी बैठक वायुसेनानगर येथे पार पडली. या बैठकीत सैन्यातील पायाभूत सुविधांचे आधुनिकीकरण व्हावे, यासाठी प्रोत्साहन मिळावे यावर तिन्ही सैन्य दलातील वरिष्ठ अधिकाऱ्यांनी भर दिला. पीएमओसीची दोन दिवसीय बैठक नागपुरात आयोजित करण्यात आली होती. अनुरक्षण कमान मुख्यालयाचे वायुसेना आॅफिसर कमांडिंग इन-चीफ एअर मार्शल पंकज अनेजा यांनी या बैठकीचे उद्घाटन केले. यावेळी त्यांनी दुरुस्ती आणि कायापालट करण्यासाठी सप्लाय चेन व्यवस्थापन आॅपरेशनल कमान आणि वायुसेनेला प्रशिक्षणाची आवश्यकता असल्याचे सांगितले. सोबतच तिन्ही सैन्य दलाचे अधिकारी एकाच व्यासपीठावर येऊन काम करणेसुद्धा आवश्यक असल्याचे स्पष्ट केले. पीएमओसीचे अध्यक्ष व्हॉईस अ‍ॅडमिरल ए.व्ही. सुभेदार यांनी सांगितले की, पीएमओसीचे लक्ष्य व उद्दिष्टांना समोर वाढवावे. मागच्या बैठकीत चांगले सहकार्य मिळाल्याचेही त्यांनी सांगितले. तिन्ही सैन्य दलातील अधिकाऱ्यांच्या समन्वयातून पीएमओसीचे उच्च लक्ष्य प्राप्त करता येऊ शकते. एअर आॅफिसर मेंटनन्स एअर मार्शल पी.पी. खांडेकर यांनी तिन्ही दलाच्या अभियांत्रिकी शाखेमध्ये समन्वय असणे आवश्यक असल्याचे सांगितले. बैठकीत मेजर जनरल एम.जे.एस. स्याली यांनी थलसेनेचे नेतृत्व केले. या बैठकीत तिन्ही सैन्य दलातील वरिष्ठ अधिकारी सहभागी झाले होते. (प्रतिनिधी)