Nagpur News | Latest Nagpur News in Marathi | Nagpur Local News Updates | ताज्यबातम्या नागपूर | नागपूर समाचार | Nagpur Newspaper

देशातील पहिल्या ‘वृत्तपत्र विक्रेता बंधंूच्या शिल्पकृतीचे’ लोकार्पणनागपूर : संघटित क्षेत्राप्रमाणेच वृत्तपत्र विक्रेत्यांना सरकारच्या माध्यमातून लाभ देणाऱ्या योजना सुरू करण्याचा प्रयत्न करू, अशी घोषणा राज्याचे मुख्यमंत्री देवेंद्र फडणवीस यांनी आज येथे केली.नागपूरच्या ऐतिहासिक संविधान चौकात लोकमत वृत्तपत्र समूहाच्यावतीने साकारण्यात आलेल्या देशातील पहिल्या ‘वृत्तपत्र विक्रेता बंधंूच्या शिल्पकृतीचे’ लोकार्पण ज्येष्ठ वृत्तपत्र विक्रेते गजानन मेश्राम यांच्या हस्ते मंगळवारी झाले. त्यानंतर झालेल्या समारंभात मुख्य अतिथी म्हणून मुख्यमंत्री बोलत होते. या समारंभाला प्रमुख अतिथी म्हणून राज्याचे ऊर्जामंत्री व नागपूरचे पालकमंत्री चंद्रशेखर बावनकुळे, ज्येष्ठ वृत्तपत्र विक्रेते गजानन मेश्राम उपस्थित होते. लोकमत वृत्तपत्र समूहाच्या ‘एडिटोरियल बोर्ड’चे चेअरमन व राज्यसभा सदस्य खा. विजय दर्डा, लोकमत मीडिया प्रा.लि.चे कार्यकारी संचालक करण दर्डा यांची यावेळी प्रामुख्याने उपस्थिती होती.पत्रकारदिनाचे औचित्य साधून ऐतिहासिक संविधान चौकात झालेल्या या कार्यक्रमाला राज्यभरातील शेकडो वृत्तपत्र विक्रेते बंधू उपस्थित होते. या ऐतिहासिक शिल्प साकारण्याच्या कल्पनेचे आणि शिल्पकाराचे मुख्यमंत्र्यांनी यावेळी अभिनंदन केले.प्रास्ताविक भाषणात खा. विजय दर्डा यांनी वृत्तपत्र विक्रेत्यांच्या सन्मानाचा मुद्दा मांडला होता. तोच धागा पकडत मुख्यमंत्र्यांनी वृत्तपत्र विक्रेते करीत असलेल्या परिश्रमाचा गौरवपूर्ण उल्लेख करीत त्यांच्यासाठी संघटित क्षेत्राप्रमाणेच लाभ देणाऱ्या काही योजना सरकारकडून सुरू करण्याचे प्रयत्न केले जातील, असे आश्वासन दिले.भारतरत्न डॉ. बाबासाहेब आंबेडकर यांनी या देशाला संविधान देऊन समाजातील शेवटच्या घटकाला प्रतिष्ठा देण्याचा प्रयत्न केला. त्याच संविधानाचे नाव असलेल्या चौकात समाजाच्या शेवटच्या घटकाचे प्रतीक असलेल्या वृत्तपत्र विक्रेत्याचे शिल्प उभारण्यात आले व तेही पत्रकारदिनाच्या दिवशी हा एक विलक्षण योगायोग आहे. यासाठी लोकमत वृत्तपत्र समूहाने घेतलेला पुढाकार हा ऐतिहासिक आणि प्रशंसनीय आहे. ‘लोकमत’ने यापुढेही अशाच प्रकारचे सामाजिक उपक्रम राबवावेत, असे मुख्यमंत्री म्हणाले.वृत्तपत्र विक्रेत्याचे समाजातील महत्त्वाचे स्थान विशद करताना मुख्यमंत्री म्हणाले की, ज्या दिवशी वर्तमानपत्र येत नाही त्या दिवशी विक्रेत्याचे महत्त्व कळते. आधुनिक तंत्रज्ञानाच्या जगात संकेतस्थळावर वर्तमानपत्र उपलब्ध होण्याची सोय आहे. पण तो नाईलाज असतो. घरी बसून वर्तमानपत्र वाचण्याची मजा काही वेगळीच असते.प्रास्ताविक करताना खा. विजय दर्डा यांनी वृत्तपत्र आणि विक्रेत्यांचे स्वातंत्र्यपूर्व आणि स्वातंत्र्योत्तर काळातील महत्त्व विशद केले. स्वातंत्र्यपूर्व काळात वर्तमानपत्र प्रसिद्ध करणे व ते वितरित करणे अवघड होते. अशाही काळात विक्रेत्यांनी हिंमत दाखवून घरोघरी वर्तमानपत्र पोहोचविण्याचे काम केले, ते देशभक्तीचेच प्रतीक ठरते. देशाला स्वातंत्र्य मिळाल्यानंतर लोकशाही बळकट करण्यासाठी वृत्तपत्राची जेवढी महत्त्वाची भूमिका आहे तेवढीच विक्रेत्यांचीही आहे. त्याला सलाम करण्यासाठी हा उपक्रम हाती घेण्यात आला आहे, असे दर्डा म्हणाले. पत्रकारांवर होणाऱ्या हल्ल्याचाही त्यांनी निषेध केला. लोकमततर्फे राबविण्यात आलेल्या उपक्रमांची आणि कल्याणकारी योजनांची माहितीही त्यांनी यावेळी दिली.सुरुवातीला मुख्यमंत्री व खा. विजय दर्डा यांच्या हस्ते ज्येष्ठ वृत्तपत्र विक्रेते गजानन मेश्राम यांचा शाल, श्रीफळ आणि शिल्पाची प्रतिकृती भेट देऊन सत्कार करण्यात आला. शिल्पकार किरण अदाते यांचाही यावेळी मुख्यमंत्र्यांच्या हस्ते गौरव करण्यात आला.करण दर्डा यांनी शिल्पाची प्रतिकृती भेट देऊन मुख्यमंत्र्यांचे स्वागत केले. लोकमत वृत्तपत्र समूहाचे सहाय्यक उपाध्यक्ष (प्रसार) वसंत आवारे यांनी पालकमंत्री बावनकुळे यांचे स्वागत केले.कार्यक्रमाचे संचालन व आभारप्रदर्शन लोकमतचे सहायक संपादक गजानन जानभोर यांनी केले. कार्यक्रमाला शहरातील सर्व आमदार, प्रशासनातील वरिष्ठ अधिकारी आणि विविध क्षेत्रातील मान्यवर उपस्थित होते. (प्रतिनिधी)‘हॉकर्स डे’ आणि गुलाब पुष्पज्याप्रमाणे पत्रकारांचा सन्मान करण्यासाठी शासकीय पातळीवर ‘पत्रकारदिन’ साजरा केला जातो. त्याच धर्तीवर वृत्तपत्र विक्रेत्यांसाठी ‘हॉकर्स डे’ही साजरा करण्यात यावा व या दिवशी विक्रेत्यांचा सन्मान करण्यात यावा. वाचकांनीही या दिवशी घरी आलेल्या विक्रेत्यांना गुलाब पुष्प द्यावे, त्यांना घरी सन्मानाने बसवून चहा द्यावा, अशी कल्पना यावेळी खा. विजय दर्डा यांनी मांडली. या कल्पनेला उपस्थित विके्रत्या बांधवांनी टाळ्यांचा कडकडाट करून उत्स्फूर्त प्रतिसाद दिला.

Nagpur (Marathi News)

खेड तालुक्यातील घटना : वनविभागाच्या मदतीने काढले बाहेर ...