आता नागपूर जि.प., मनपा शाळांमध्ये नाविन्यपूर्ण विज्ञान केंद्र

शालेय विद्यार्थ्यांमधील चौकसपणा व सृजनशील कलागुणांना वाव मिळावा, विज्ञान व गणित विषयाची आवड निर्माण व्हावी. या उद्देशाने समग्र शिक्षा अंतर्गत स्थानिक स्वराज्य संस्थांच्या निवडक शाळांमध्ये नाविन्यपूर्ण विज्ञान केंद्र उभारण्यात येत आहे. यामध्ये नागपूर जिल्ह्यातील १७ शाळांचा समावेश आहे. एका शाळांमध्ये हे केंद्र उभारण्यासाठी अंदाजे ३ ते ४ लाखाचा खर्च अपेक्षित आहे.

ठळक मुद्देविद्यार्थ्यांच्या चौकसपणा व सृजनशील कलागुणांना मिळणार वाव

लोकमत न्यूज नेटवर्कनागपूर : शालेय विद्यार्थ्यांमधील चौकसपणा व सृजनशील कलागुणांना वाव मिळावा, विज्ञान व गणित विषयाची आवड निर्माण व्हावी. या उद्देशाने समग्र शिक्षा अंतर्गत स्थानिक स्वराज्य संस्थांच्या निवडक शाळांमध्ये नाविन्यपूर्ण विज्ञान केंद्र उभारण्यात येत आहे. यामध्ये नागपूर जिल्ह्यातील १७ शाळांचा समावेश आहे. एका शाळांमध्ये हे केंद्र उभारण्यासाठी अंदाजे ३ ते ४ लाखाचा खर्च अपेक्षित आहे.नागपूर जिल्ह्यातील जिल्हा परिषद, नगर परिषद व मनपा शाळा अशा एकूण १७ शाळांमध्ये हे सायन्स सेंटर उभारण्यात येत आहे. जिल्हा परिषदेच्या शाळा असो की महापालिकेच्या, विज्ञानाच्या प्रयोगशाळेचा अभाव आहे. प्रयोगशाळांच्या अभावी या शाळांमधील विद्यार्थ्यांना आवड व इच्छा असतानाही विज्ञान विषयातील विविध प्रयोग करण्यापासून वंचित राहावे लागते. या सायन्स सेंटरचा विद्यार्थ्यांना नक्कीच लाभ होणार आहे. शिक्षण विभागाने २०१९-२० या आर्थिक वर्षासाठी जिल्ह्यातील १७ शाळांची निवड केली आहे. या प्रत्येक शाळांमध्ये ही सायन्स लॅब उभारण्यात येत आहे. यासाठी राज्यस्तरावरुन राबविण्यात आलेल्या ई-निविदा प्रक्रियेअंती क्युरीऑन एज्युकेशन प्रा.लि. ठाणे यांची पुरवठादार कंपनी म्हणून निवड करण्यात आली आहे. शाळांमध्ये विज्ञान केंद्र उभारल्यानंतर त्या शाळेतील संबंधित गणित व विज्ञान विषय हाताळणारे शिक्षक, गटसाधन केंद्रांतर्गत कार्यरत, विज्ञान व गणित विषय साधनव्यक्ती यांना नाविन्यपूर्ण विज्ञान केंद्रातील साहित्याव्दारे विद्यार्थ्यांना शिकवणे, साहित्याची हाताळणी तसेच साहित्याच्या उपयोगितेबाबतचे प्रशिक्षण जिल्हास्तरावर देण्यात येणार आहे. या केंद्रासाठी मंजूर शाळेतील गणित व विज्ञान विषयाच्या शिक्षकांना हे प्रशिक्षण देण्यात येणार आहे.या शाळांमध्ये सायन्स केंद्राची निर्मितीतालुका                          शाळेचे नावनागपूर (ग्रा.)                 जि.प.उ.प्रा.शाळा बोरीहिंगणा                          जि.प.उ.प्रा.शाळा बीड गणेशपूरकामठी                         जि.प.उ.प्रा.शाळा महालगावकाटोल                         न.प.शाळा क्र.२नरखेड                         जि.प.उ.प्रा.शाळा मोहगांव भदाडेसावनेर                         जि.प.उ.प्रा.शाळा सिल्लेवाडासावनेर                         जि.प.उ.प्रा.शाळा वलनी क्र.२कळमेश्वर                     जि.प.उ.प्रा.शाळा उबाळीउमरेड                         जि.प.उ.प्रा.शाळा हेवतीपारशिवनी                    जि.प.उ.प्रा.शाळा माहुलीभिवापूर                       जि.प.उ.प्रा.शाळा महालगावकुही                            जि.प.उ.प्रा.शाळा चापेगडीरामटेक                       जि.प.उ.प्रा.शाळा आजनीमौदा                           जि.प.उ.प्रा.शाळा चाचेरनागपूर                       मनपा, सुरेंद्रगड हिंदी प्राथ. शाळानागपूर                       मनपा, संत कबीर हिंदी प्राथ. शाळानागपूर                      गरीब नवाज उर्दू स्कूल