नागपूर : मेळघाट व्याघ्र प्रकल्पाचे निलंबित अतिरिक्त प्रधान मुख्य वनसंरक्षक एम़ श्रीनिवास रेड्डी यांनी त्यांच्याविरुध्द दीपाली चव्हाण आत्महत्या प्रकरणात दाखल एफआयआर रद्द करण्यासाठी मुंबई उच्च न्यायालयाच्या नागपूर खंडपीठात याचिका दाखल केली आहे़ त्या याचिकेवर शुक्रवारी न्यायमूर्तीद्वय अतुल चांदूरकर व पुष्पा गणेडीवाला यांच्यासमक्ष सुनावणी होणार आहे़
दीपाली चव्हाण या हरिसालच्या वनपरिक्षेत्र अधिकारी होत्या़ वरिष्ठ अधिकाऱ्यांकडून सतत होणाऱ्या मानसिक छळाला कंटाळून त्यांनी आत्महत्या केली़ त्यापूर्वी त्यांनी चिठ्ठी लिहून ठेवली असून त्यात वरिष्ठ अधिकाऱ्यांवर गंभीर आरोप करण्यात आले आहेत़ या प्रकरणात अमरावती जिल्ह्यातील धारणी पोलिसांनी रेड्डी यांच्यासह अन्य अधिकाऱ्यांविरुध्द आत्महत्येस प्रवृत्त करणे व इतर विविध गुन्ह्यांतर्गत एफआयआर नोंदवला आहे़ सत्र न्यायालयाने रेड्डी यांचा आधी अटकपूर्व जामीन व त्यानंतर नियमित जामीन अर्ज फेटाळला आहे़ पोलिसांनी रेड्डी यांना अटक केली आहे़ जामीन मिळवणे अशक्य झाल्यामुळे त्यांनी आता थेट एफआयआरच्या वैधतेला आव्हान दिले आहे़ सामाजिक दबाव व राजकीय हस्तक्षेपामुळे या प्रकरणात फसविण्यात आल्याचे त्यांचे म्हणणे आहे़