लोकमत न्यूज नेटवर्कनागपूर : पारडीच्या हनुमाननगरात एका निर्माणाधीन इमारतीच्या दुसऱ्या माळ्यावर बिबट शिरल्याची घटना बुधवारी सकाळी ९ वाजताच्या सुमारास उघडकीस आल्यामुळे एकच खळबळ उडाली. दरम्यान घटनेची माहिती पारडी पोलिस व वनविभागाला दिल्यानंतर वन विभागाने दुपारी १.३५ वाजताच्या सुमारास बिबट्यास ट्रॅक्युलाईज करून पिंजऱ्यातून ट्रांझीट ट्रीटमेंट सेंटरला नेले अन् सर्वांनी सुटकेचा नि:श्वास सोडला.
पारडीच्या हनुमाननगरात अनिल राऊत हे आपली पत्नी, मुलगा आलोक, अनिकेत आणि मुलगी अंजली तसेच आई, भाऊ, वहिनी व त्यांच्या दोन मुलांसह एका दुमजली इमारतीत राहतात. सकाळी ९ वाजता अनिल राऊत यांचा दहावीत शिकत असलेला १५ वर्षांचा मुलगा आलोक आंघोळ केल्यानंतर दुसऱ्या माळ्यावर बांधकाम सुरु असलेल्या खोलीत कपडे आणण्यासाठी गेला. तेथे त्याने दार उघडताच त्याला एक लांब शेपूट दिसली. घाबरलेल्या अवस्थेत त्याने खाली येऊन वडिलांना माहिती दिली. त्याच्या वडिलांनी तातडीने पारडी पोलिस व वन विभागाला याबाबत सूचना दिली. त्यानंतर पोलिस व वनविभागाचे कर्मचारी घटनास्थळी पोहोचले. त्यांनी ४.३० तास प्रयत्न करून ट्रॅंक्युलाईज करून बिबट्याला पकडून पिंजऱ्यात टाकले. त्यानंतर या बिबट्याला ट्रांझीट ट्रीटमेंट सेंटरमध्ये नेण्यात आले.
Web Summary : A leopard entered a building in Nagpur's Pardi area, causing panic among residents. Forest officials tranquilized and captured the animal after a four-hour rescue operation, relocating it to a treatment center. No injuries were reported.
Web Summary : नागपुर के परदी इलाके में एक तेंदुआ इमारत में घुस गया, जिससे निवासियों में दहशत फैल गई। वन विभाग के अधिकारियों ने चार घंटे के बचाव अभियान के बाद जानवर को शांत किया और पकड़ लिया, और उसे एक उपचार केंद्र में स्थानांतरित कर दिया। किसी के घायल होने की सूचना नहीं है।