डोंबिवलीतील एका विद्यार्थ्याचा लोकलमधून पडून मृत्यू झाल्याची घटना ताजी असताना नागपूरमध्येही इयत्ता बारावीच्या परीक्षेसाठी निघालेल्या एका विद्यार्थिनीसह तिच्या वडिलांवर काळाने घाला घातला. मोहपा रोडवरील एमआयडीसी पुलाजवळ त्यांच्या दुचाकीला ट्रकने धडक दिली. या अपघातात बाप-लेकीचा मृत्यू झाला. तर, एक तरुणी गंभीर जखमी झाली असून तिच्यावर रुग्णालयात उपचार सुरू आहेत. याप्रकरणी ट्रकचालकाविरोधात गुन्हा दाखल करून त्याला ताब्यात घेतले. या घटनेनंतर स्थानिकांमध्ये संतापाची लाट उसळली असून संबंधित आरोपीविरोधात कठोर कारवाई करण्याची मागणी केली जात आहे.
मिळालेल्या माहितीनुसार, तन्वी भिवणकर आणि तिचे वडील सुभाष भिवणकर अशी मृतांची नावे आहेत. त्नवी आणि तेच वडिल दुचाकीवरुन जात असताना मोहपा रोडवरील एमआयडीसी पुलाजवळ त्यांच्या विरुद्धदिशेने येणाऱ्या ट्रकने त्यांना जोरदार धडक दिली. या धडकेत तन्वी आणि तिच्या वडिलांचा जागीच मृत्यू झाला. तर, वंशिका नरुळे ही तरुणी गंभीर जखमी झाली आहे. तिच्यावर जवळच्या रुग्णालयात उपचार सुरू आहेत.
अपघाताच्या घटनेनंतर नागरिकांच्या तळपायाची आग मस्तकात गेली. त्यांनी ट्रक चालक प्रफुल भोयरला याला पकडून मारहाण केली. एवढेच नव्हे तर त्यांनी ट्रकच्या केबिनला आग लावली. या घटनेत ट्रकचे नुकसान झाले. याप्रकरणी उमरेड पोलिसांत गुन्हा दाखल करण्यात आला असून पोलिसांनी पुढील तपासाला सुरुवात केली आहे.
Web Summary : In Nagpur, a father and daughter died in a truck accident while going to her 12th-grade exam. Another woman was injured. Locals angered, assaulted the truck driver, and set the truck ablaze. Police are investigating.
Web Summary : नागपुर में 12वीं की परीक्षा देने जा रही बेटी और उसके पिता की ट्रक दुर्घटना में मौत हो गई। एक अन्य महिला घायल। स्थानीय लोगों ने ट्रक ड्राइवर को पीटा और ट्रक में आग लगा दी। पुलिस जांच कर रही है।